Woorde uit my tas

By Martha Maria Jones

"Woorde uit my tas" is 'n intieme en meesleurende digbundel wat die leser uitnooi om die wonder van die menslike siel te ontdek en die betekenis van ware verbinding en empatie te waardeer. Met elke bladsy is daar 'n herinnering aan die menslike verlange na vrede, liefde en aanvaarding, en 'n erkenning van die rykdom van die menslike ervaring.

 

Die digter nooi jou hiermee uit na 'n intieme reis deur die, Woorde uit haar tas. 

• Language: Afrikaans
• Publisher: Martha Maria Jones
• Release date: Feb 20, 2024
• ISBN: 9798224100972

Book preview

HIERDIE KERSFEES

––––––––

Liewe Kersvader,

Nostalgie roep my na die verlede,

laat my dink aan kosbare tye,

die hitte van die koolstoof,

die geur van beesstert,

souskluitjies wat bo-op dié gunsteling dis dryf,

murgpampoentjies en goudbruin aartappels,

die reuk van malva poeding en 'n potjie goudgeel vla.

'n Huis vol familie!

––––––––

Ek wens,

ek kon glo soos 'n kind, sonder vrees,

in 'n man met 'n rooi oorpak, rendiere,

reënboog liggies, en 'n Somers Kersfees.

––––––––

Ek wens, ek kon.

O, Kersvader, jy bring vreugde en gees,

maar Kersfees proe bittersoet,

tyd bring verandering in families,

'n tafel, met te veel stoele,

'n kas, met te veel eetgerei,

‘n huis, so stil, dat dit weergalm.

Ek verlang na diegene,

te ver om te omhels;

te weg om te vind.

––––––––

Dus vra ek,

Liewe Kersfeesvader,

laat hierdie Kersfees onopgemerk verbygaan,

heimwee my oorslaan die jaar,

dat ek rus vind;  dié seisoen.

Tot weersiens.

'n Bitter soort GIF!

woorde raak weg - verpletter vlees

al wat oorbly, al wat oorbly. is gees

en niemand