Wat die hart van vol is . . .

Boesmanland vat my hand

Lei my oor die rant se kant

As jy vir my kan sê waar die Boesmanland lê?

Só sing wyle Worsie Visser.

Jare terug het ek eendag daai vraag in ’n kroeg te Springbok laat val. Dit het amper in ’n kroeggeveg ontaard. Elkere ou had sy eie idee van waar Boesmanland nou regtig lê . . . en waar sy grense getrek is.

Daardie dag het ek besluit dat ek maar self moet loop uitvind.

Ingekerk, vasgekluister

P.E. Raper en P.J. Nienaber (streeknaamfoendi’s), asook die 1972-Staatsdrukker-kaarte, bespiegel steeds. Hoe klink Namakwaland en die Hardeveld aan die weste? Die Kaiingbulte en die Bo-Karoo aan’t ooste? Die Groot-Gariep ten noord en die Knersvlakte, Hantam en die Roggeveld suid? En dan speel die Groot-Karoo ook ’n kameerolletjie.

Só het ek vir jare daai wêreld platgery op soek na Boesmanland. Agter