Begraafplaas van ou bulle

Daar is ’n legende dat die ou olifantbul instinktief besef sy tyd is verby en dan vat hy die pad bos toe om te gaan vrek. Hy gaan alleen daar dood, maar snaaks genoeg, hy loop die pad van sy voorgangers . . . na die plek waar die gebeendere van die voorgeslag bulle lê.

So word daar vertel, dat sou ’n trop ander olifante daar verby loop, dan herrangskik hulle die wit gebeendere wat deur hiënas, aasvoëls en ander roofdiere verstrooi is, weer op ’n hopie, elke stuk been by sy oorspronklike eienaar se skedel.

Menige Westerling het al gaan soek na Afrika se El Dorado – die olifantbegraafplaas, want volgens oorlewering lê daar hope ivoor. Goddank geen mens het daai plek al gekry nie, behalwe . .