China wil vrede maak
Gert Grobler.
Met die Amerikaanse presidentsverkiesing om die draai, woed pres. Donald Trump en sy minister van buitelandse sake, Mike Pompeo, se aanslag teen China voort.
Die aanslag word gekenmerk deur die idee dat ekonomiese en tegnologiese bande “ontkoppel” word, vetes oor onder meer die Suid-Chinese See, Hongkong en Taiwan. Hierdie teenproduktiewe benadering wat sy oorsprong het in die VSA se vrees oor sy kwynende globale politieke, ekonomiese en militêre invloed kan verreikende reperkussies inhou vir wêreldvrede en stabiliteit.
Die Chinese en Amerikaanse ekonomieë bly steeds eng verweef en talle waarnemers glo dat dit bykans ’n onbegonne taak sal wees om die twee ekonomieë, met ’n gesamentlike waarde van $35 duisend
