Geen keer aan ’n reus
Die uitbreking van Covid-19 het die wêreld in vele opsigte verander. Dit het ook ’n nuwe era ingelui op die vlak van internasionale betrekkinge met verreikende gevolge vir die internasionale geopolitieke, ekonomiese en veiligheidsopset.
Gegewe die beduidende en groeiende wêreldrol wat China gespeel het op internasionale politieke en ekonomiese terrein tot die uitbreking van Covid-19 word daar wêreldwyd indringend bespiegel oor wat die implikasies daarvan vir China sal wees.
Wat sal die impak van Covid-19 op binnelandse politieke en ekonomiese terrein wees, asook op die land se toekomstige rol op internasionale vlak, ook wat sy betrekkinge met Afrika betref?
Binnelands
Die Chinese volk steun die regering van pres. Xi Jinping
