China trap nou water
’N Dekade of meer gelede was almal gaande oor die skouspelagtige groei in China.
Orals het kenners gepraat van China wat kort voor lank vir Amerika sou uitstoot as die wêreld se grootste ekonomiese krag. My standpunt was dat die “nuutgevonde” optimisme oor China een ding is, maar dat dit ’n ander ding is om in die proses te wil begrafnis hou oor Amerika.
Baie het geskryf oor die skewe ekonomiese oplewing in China wat hoofsaaklik gedryf is deur Amerika se ekonomiese breine wat in die jare van presidente Bill Clinton en George W. Bush die ekonomie wou laat groei sonder inflasie.
Hulle het dus onder meer Amerika se produksie na China verskuif wat met sy goedkoop arbeid die produkte aan Amerika gelewer
