Gaan dié gebeure SA politiek herskik?
Minder as twee maande die Covid-19-krisis in en ons steier onder ’n oordosis van voorspellings oor wat alles onherroeplik gaan verander.
Boaan die lys is die aard van werk. Die “kantoor” en die “werkplek” soos dit oor geslagte heen geken is, is glo iets van die verlede.
Werk van die huis af sal ná dese die norm wees, nie die uitsondering nie. Dis dan seker die einde ook van die onsinnigheid van oopplan-werkruimtes.
