As Ek Stil Raak

By Martha Maria Jones

A captivating collection of poetry, readers are invited on a journey through the rich tapestry of emotions, experiences, and reflections presented in both Afrikaans and English poetry. 

 

 

• Language: Afrikaans
• Publisher: Martha Maria Jones
• Release date: Feb 20, 2024
• ISBN: 9798224697472

Book preview

Ek het êrens gelees vir 'n ouer om 'n kind te verloor, is soos om 'n been te verloor. Met tyd leer jy weer loop, maar die herinnering van dit wat jy verloor is egter elke dag saam met jou, met elke tree wat jy gee.

-skrywer onbekend

DELE VAN MY

‘n MOSSIE VLUG

swartbors mossies, swartbors mossies

maak 'n nessie van my;

huis.

paleis.

pondok.

varkhok.

ons hang geflans aan die maan

––––––––

sonder twyfel belowe jy -

'n glashouer vol snoepery,

want jy is myne om te kies!

––––––––

asem in, onbelemmerd, oopmond in

roepjaag na jou !

dit glip uit -

tussen sinsnedes

en kinders wat roomys lek

- pasop dit vlek!

––––––––

druk 'n vinger in my OOG.

Trek 'n sneller!  

neem gehoor.

––––––––

swartbors mossies, swartbors mossies

maak 'n nessie van my;

huis.

paleis.

pondok.

varkhok.

ons hang geflans aan die maan

die Here sorg vir sy mossies

selfs in dié laaste vryvlug

Langs die son versteek

__________________________

Jy het binne my gepas

-goud binne my gelas

'n handjie vol soene in jou sak gelos - nét vir my

––––––––

die wêreld het jou meegesleur

en ons storie verander

elke kurwe,

elke keep en elke duik

ek was joune alleen

––––––––

Jy kom uit die see

vuiste, kneukels, lyf

‘n vloedwater stroom

saai jy jou verwoesting

––––––––

sy is -

'n wispelturige flerrie

smeer heuning aan jou lippe

verlei jou doof, stom en blind

––––––––

'n verloorder strooi die son

se strale vir die wind

gooi geluk vir ‘n ander

en draai weg sonder terugkyk

––––––––

jy het binne my gepas

en Sy het ons legkaarte kom steel

ek was joune alleen

-die see is nou my beminde

Nimmer-einde-land

Kyk na jou Peter!

kaalbors deur die skare 

vlerkslag; skaterlag!

Dalk is JY vandag!

––––––––

jy was nog altyd eindeloos

vreesloos 'n sprokies man;

geheime op jou lyf tatoeëer

en ‘n keep in jou mondhoeke

..

elke soen het my betoor,

my geloof na jou bekeer,

my sonder verweer omgekeer -

.‘n Bewaarder van verlore siele

uit donkerste uithoeke van die wêreld.

Ek is jou grootste bewonderaar!

––––––––

elke sprokie het 'n skurk

en bottels vol gekke-klug

wat harder kon pleit

as jou vrees vir grootword 

––––––––

onder die hemel se punte

die sterre in ons kele

my tone se punte sonder vastrap plek

in die arms van Peter

––––––––

Peter my venster is oop -

al het ek grootgeword? 

in stiltes lê ek jou neer

25/02/2011

(‘n gedig op jou verjaarsdag 25/02/2023)

––––––––

buite waai die wind die kannas,

versprei die vlamme in ‘n neurie

en miskien het jy al vergeet

van die kind se kop in my baarmoeder

––––––––

Hoe vergeet ‘n ma?

tyd spandeer aan jou kamer

spesiaal vir jou tuiskoms

net om als