Gedagtes van n Woestynkind

By BJ Engelbrecht

Gedagtes van n Woestynkind is n digbundel wat handel oor my heimwee na Namibia en die Namib woestyn. Dit beskryf ook my siening oor emosionele dinge in die lewe soos plaasmoorde in Suid Afrika. Gedagtes van n Woestynkind is gewone Afrikaans geskryf deur n doodgewone Afrikaanse taal liefhebber.

• Language: Afrikaans
• Publisher: BJ Engelbrecht
• Release date: Apr 6, 2014
• ISBN: 9781310491948

BJ Engelbrecht

Die suide van Namibia se stof loop deur my are. My werke is nie letterkundige meesterstukke met ingewikkelde woorde en frases nie. Dit is geskryf soos ons Afrikaans praat. Ek glo die trefkrag van my gedigte le in die eenvoud daarvan en omdat dit so geskryf is behoort die gedig voor die leser se geestesoog af te speel.

Book preview

Staan Vas

Dit voel of die lewe ons in n blik in druk,

Oral is iemand wat net wil ruk, ruk, ruk.

Dit voel soms asof niemand kan verstaan,

Ons voel stroom-op in ‘n enkelbaan.

Pak die lewe by die horings, skut hom rond,

Die morestond het mos goud in die mond.

Niemand weet wat die toekoms in hou,

Dinsdag is beter al is Maandag hoe blou.

Elke dag is goed omdat dit slegter kan wees,

Ons moet net tussen die lyne wil te lees.

Elke deur wat toegaan maak n anner een oop,

Die lewe skuld jou niks, hou aan met loop.

Tel op jou kop stoot uit jou bors,

Daars iewers water gaan les jou dors.

Die sterre kom net uit as dit donker word,

Elke mens op aarde het iewers te kort.

Namib

As jy die moed het om in jouself te kyk,

Om te weet hoe jou siel binne-in lyk.

As jy wil weet hoe om jouself te aanvaar,

Kom sit hier tot jy jou verlore jy gewaar.

Hiers jy alleen saam met jouself en jy,

Om te baklei sal jy met jouself moet stry.

Laat middag gaan ek jou hart kom vang,

Met die rooiste, stilste…..sonsondergang.

Ek is sag maar verwag van jou