1 DERICK HOUGAARD MAAK SY OË OOP
Die voormalige rugbyheld van die Bulle en Springbokke het ná 11 dae in ’n geïnduseerde koma in die waakeenheid begin reageer. ‘Dankie vir gebede, hoop en liefde,’ het sy sangeres-vriendin Nádine aan aanhangers gesê.
Ek wens jou net die allerbeste toe, Derick. Mag jy spoedig weer sterk en gesond wees. Dankie aan God, wat jou lewe gered het, jy is sy Koningskind! Jou werk op aarde is nog nie klaar nie. Voorspoed.
ELLA
Jy is nie ’n mislukking nie en jou lewe ook nie. Moet net nie moed verloor en tou opgooi nie. Die lewe vra ons almal om te volhard. Daar sal altyd slegte en goeie tye wees. Wees net sterk, en jy sal nie omval nie.
WILLIE
Ek het die volgende Almal gaan deur slegte dinge. As almal hul slegte dinge in ’n sak sit en op die tafel plaas, watter een sal jy kies? Kies jou eie, want ander s’n is dalk nog erger. Dit is die lewe.