Stel jou voor jy sit op ’n roller coaster met die naam Wild Wild West, agt maande lank. Op en af gaan jy, links en regs, met sommer ’n paar loops ook daarby. Dis ek daar op die heel voorste sitplek, die een waar ’n mens die beste en ergste uitsig het van al die oppe en affe en die draaie wat kom. Wat ’n rit! Die hoogtepunte was vrekhoog en die laagtepunte had my in trane.
Maar wag, kom ons begin reg by die begin.
