RUBRIEK
Die langstertflap met sy rooi epoulette bly vir ’n rukkie kop aan kop met my wit Kia Picanto voordat hy met ’n kink in sy pronkerige stertvere vooruit skiet om my aankoms bekend te maak. Hy’s gebore om op dié plaaswêreld se winde te ry; my Picanto is vir die stad. Maar tog is ek hier, in die hartjie van die Vrystaat, aan’ t uitswaai vir slaggate terwyl my hele lyf van die genadelose sinkplaatpad ritteltit.
Dit was nege ure se ry vanaf my huis in Mtunzini in die noorde van KwaZulu-Natal tot by hierdie dorpie waarvan die naam my boei: Rosendal.
Mense het dit al as ’n toevlugsoord vir kunstenaars beskryf, ’n plekkie waar hulle kan kom skuil en herlaai ná ’n uitmergelende verhoogproduksie of