WENBRIEF
Red SA met wildsvleis, -juwele
Cofesa reageer op die oproep van die omgewingsgroep EMS wat vra dat 75 ton renosterhorings in die openbaar verbrand moet word.
Nee, asseblief nie. Gebruik dit om duisende mikro-entrepreneurs te skep wat ontwerpersjuwele maak. Só kan armoede en hongersnood geklop word.
Op die onlangse konferensie oor biodiversiteitsekonomie het Barbara Creecy, minister van bosbou, visserye en omgewingsake, ’n nuwe rigting vir haar departement ingeslaan om wildbewaring te kommersialiseer en gemeenskappe te betrek by die verwerking van wildsprodukte om stropery te help stopsit. Sy beklemtoon:
■ Die kommersialisering van handel in wildsvleis en plante.
■ Die bevordering van trofeejag en die jag van olifante vir verwerking in abattoirs.
■ Die gebruik van renosterhoring en plante vir medisyne.
■ Die gebruik van renosterhoring en ivoor vir ornamente en aandenkings.
■ Die bevordering van akwakultuur.
Slegs kos op die tafel van die hongeres sal volhoubare omgewingsprogramme verseker. Klop armoede en beveg terselfdertyd aardverwarming, pleit die konfederasie van werkgewers in Suid-Afrika (Cofesa).
Cofesa het Creecy versoek om die uitreik van jaglisensies vir veral olifante op te skort en jag aan plaaseienaars oor te laat, aangesien botallige olifante die habitat vernietig.
Die Krugerwildtuin het reeds 33% van sy boombedekking verloor en op plekke is daar geen bome oor nie.
Olifante word tot 60 jaar oud. Gevolglik sal die Wildtuin se 40 000 surplusolifante oor tien jaar tot 80 000 verdubbel. Met aardverwarming se uiterstes, vloede, droogtes