Gegroet
WENBRIEF Ek het die voorreg gehad om vir byna 30 jaar in die skaap-en-wolbedryf te werk. Ná my aftrede het vele nuwer wetenskappe, soos presisieboerdery en smart stock, posgevat, en ek respekteer dit.
Twee sake sal my altyd bybly: Die drie maande lange skaap-en-wolkursus onder leiding van O.P.J. Steyn by die Landboukollege Glen en die skaap-en-woldiens wat deur hoogs kundige skaap-en-wolbeamptes en tegniese beamptes aangebied word.
Stoetdienste, kuddeklassering en skeerhokbesoeke is die belangrikste. Hierdie skrywe het net met kuddeklassering te doen en daarmee saam kuddebestuur. Ek was veral gemoeid met kuddebestuur en hier was dr. Jasper Coetzee die leier op die voorligtingsterrein.
Ek was oortuig dat die kuddeklasseringsdiens verbeter kon word en dat dit deur middel van kuddebestuur moes gebeur. Die rede waarom ek dit dan ook begin toepas het, is omdat daar ’n belangrike formule is: P:G+E (P = fenotipe of voorkoms van die dier, G = genotipe of erflikheid, E = die omgewing waarin die dier verkeer).
Soos kuddeklassering toe toegepas is, het dit hoofsaaklik met die genetiese aspekte van die dier gehandel, terwyl die omgewing minder belangrik was. En dít was die fout.
Beamptes weet daar is vier tekens van bloedarmoede net aan die kop van die skaap. Dit kan op parasietbesmetting dui. Die slymvliese
