PLAASVAKANSIES WAS ’N HOOGTEPUNT
WENBRIEF
Toe ek vanoggend wakker word, het ek al my Godgegewe geskenke begin oopmaak: Ek kan lag, ek kan hoor, ek kan sien, ek kan loop en ek kan die mooiste stories skryf oor my onskuldige kinderdae, veral dié toe ek my verbeel het ek is ’n gebore en opregte boer!
Elke skoolvakansie het ons nefies en niggies op ons oupas se plase, Welcomewood en Arizona in die Oos-Kaap, gaan kuier. Hier het ál die nefies en niggies bymekaar gekom en omtrent die plaas oorgeneem. Ek het al vir my geliefde, eg Afrikaanse tydskrif Landbouweekblad ’n storie gestuur oor Welcomewood. Nou is dit die beurt van Arizona, my oupa Carel Oosthuizen se plaas (sien die foto).
Hy was een van die grootste beesboere in Suid-Afrika en het baie trofees en erkennings ontvang. Ek was en is steeds baie trots op hom en in my oë is hy steeds die hardwerkendste boer. Hy het agt kinders grootgemaak en al agt is hooggeleerd. Hulle lewe nie meer nie, maar hulle sal altyd lewend