MENINGS OOR STORIES OP HUISGENOOT.COM
1 DIE HUIS IS NOU DONKER SONDER OUERS’
Die lig het uit die huis verdwyn nadat covid sy ouers, Hennie en Stephanie, van hom weggeneem het, vertel Simon Meeding van Kakamas
Baie sterkte, Simon. Ek sal altyd my kuiers saam met jou pa in die roostuin onthou en koester. Staan vas, my kind. Ek het my man aan die begin van die jaar verloor.
KITTA
Ek is so jammer. Ek verstaan jou pyn. Albei my ouers is ook so wreed en kort ná mekaar van ons af weggeruk. Eers my pa op 12 Januarie, en toe my ma op 21 Januarie.
DILIA
Sterkte. Weet net my hart gaan uit na jou in dié bitter hartseer tyd. Jy het twee ongelooflike ouers gehad, en ek en oom Douglas gaan hulle vreeslik mis.
ENNA
Ek weet hoe dit voel. Ek is die enigste kind, en het ook albei my ouers ’n week uitmekaar weens covid-19 verloor. Ek kon nie eens behoorlik groet nie.
JAN
