Spatsels Uit Die Alfabet Se Inkpot

By Louie van der Watt

Spatsels Uit Die Alfabet Se Inkpot is 'n mengelmoes woorde, ervaringe en observasies saamgevleg in hierdie Digbundel.

“Die natuur se eiendomsagente trek biesie aktes op
en onderhandel met die paddas by die plaasdam
om modder pakkies te verkoop aan die swaeltjies
wat modder hangmatte onder die geroeste afdakke
by die stasie vleg” – Modder Hangmatte

• Language: Afrikaans
• Publisher: Louie van der Watt
• Release date: Mar 19, 2020
• ISBN: 9780463152362

Louie van der Watt

Born Louie Gerhard van der Watt in Port Elizabeth, South Africa, a child of the sea and mountains. After my studies I started working in East London where I had the privilege of traveling through South Africa.There I fell in love with shallow water bridges, snow on the mountain slopes, one tooth windmills and open beaches.Time stands still as I look at the beauty around me. I have a great love for writing, photography and travel.

Book preview

TOE KOM DIE DAG

Roer die eerste oggend stoffies

skaam in die wiegie van die oggendwind

ontkoppel pionier sonstrale

die nag se sluier ankertoue

en nog 'n nag word dag

Roosbome sweet ronde doudruppels

op die moeë aarde neer

glinster en flikker soos verkeersligte

in die onsigbare lewenskring

terwyl vinke skepties neer wip langs 'n waterpoel

...'n Lig word in 'n kamer aangeskakel

en iewers buite op 'n hoofpad

blaas 'n ongeduldige bestuurder

toeter vir 'n steekbaardbrak...

...die dag is hier

DIE NAG RAAK ROOI

Die nag raak rooi

wanneer die dag sy nova oorjas aantrek

en die nag sy flikkerende kerse uitblaas in die hemelruim

om plek te maak vir dag

Die nag betoog en stoot sy misnoeë

saam met die wit dros spookasem

oor die randjie by die damwal

wanneer die dag se stoker die kookpot in die oggendure roer

Groen gras verkleur na silwer

wanneer die nag plek maak vir die dag

en die vooros kinders van die oggendson

strepies spore op die dou gevulde gras kom maak

Die laaste laatslaper kind van die nag

skarrel en verdamp in die son se oggend opstaan glimlag

en laat 'n afgeknipte slaap traan van die nag

as legkaart vir die nag wat wag

Die nag raak rooi

bloos 'n mooi rooi

want die dag se goudgeel vingers

vertoon sy nag se handewerk

op die retina van ons oog se verhoog

DIE NAG SE ROWERS

Onkundig laat die nag se rowers

'n gesteelde eier in die oggendure val

en gun die son 'n kans om sy kleur pallet

op die dag se stoep te plas.

Die nag se rowers grom en stoei

bestorm die dag se vuur-draers

en probeer met hul donker nag tonge

die geel van dag te lek tot nag

Die dag lek geel deur die nag se krakies

en rol met 'n lag oor die nag se slagysters

tussen die groenvoer lande

op die walle van die Kei rivier

…Hulle staan dweepstert op die horison

die nag se rowers

want soos op die Skeppingsdag bepaal

sal 'n gesteelde eier weer in die oggendure val

'N NUWE DAG

Rank die November son

skelm vanuit die oseaan se wiegie op

dros die nag se spoke tussen die grys beton geboue in

en woer skelm verlede nag se ou geskeurde koerante

soos uitgespalkte figure teen die see van bene vas;

mense haas blindelings die nuwe dag tegemoet

met die son se gluur nog vars in hul oë

en probeer gister se flaters uitkrap

met 'n goedkoop weggooi pen

terwyl hulle met strak gesigte stil onthou...

DIE OGGEND SE BELOFTES

Die oggend rol sy nuwe beloftes

soos 'n piekniek kombers

langs my verdorde hartsdam oop

en bring vir my 'n bottel soetwyn

leeg

Ek stap en hou net aan met stap\terugkyk maak te seer

en soek die gelouterde kwyl spore

van die oggendson se oopbek glimlag

by elke boggelrug krans op my pad

Ek lees vergete dae se briefies

onder elke klip posbus langs