In die Kalahari is ’n rivier nie ’n ding waarin water loop nie; dit is ’n spoor uit ’n oertyd wat agtergebly het. Niemand is oud of slim genoeg om te beduie hoe dit toe daarlangs gelyk het nie. Maar die diep plooie van ’n Kalaharirivier kan net een ding beteken: Dit was nie altyd so droog en so rooi gewees soos nou nie.
Ons het 5 jaar tussen twee van die Kalahari se grootste riviere gebly en geboer. Die suidelike grens van die plaas wat