Agtien maande lank kon ek nooit die stad verlaat nie. Dit was nie my keuse nie, maar Covid-19 s’n. In die eerste maande van die inperking is ek menige oggend om sewe-uur al wakker lawaai deur my lastige buurman met sy angle grinder. Dan lê ek in die bed en verlang na my huisie op die rustige platteland waar ek menige oggend om sewe-uur reeds wakker lawaai is deur die beeldhouer langsaan met sý angle grinder.
Net soos virusse kan woorde ook muteer. In die 2015-uitgawe van die Handwoordeboek van die Afrikaanse taal staan by “platteland” opgeteken:
Plat-te-land s.nw [geen mv.] gebied buite groot dorpe en woelige stede: op die platteland woon º die rustige platteland º plattelander
Oor die laaste dekade of twee het