Terug na die Vrystaatse vlaktes

Soms is dit ’n bedekte seën as ’n uitgewer nee sê vir ’n manuskrip. Die eerste vyf weergawes van my nuwe roman, Smit Motors, het gelukkig nooit die lig gesien nie.

Gelukkig? Dit het die gewaande kleindorpse mentaliteit aangevat. Ek het my hoofkarakter, Petra Smit, die Vrystaat ingestuur om die rassiste en homofobe te gaan regsien. Vir die pret sou sy boonop die burgermeester se dogter vry. Dit was nonsens. Dit was arrogant. Maar, belangriker nog, dit was nie ’n ware weerspieëling van my grootworddae op die platteland nie.

My pa was ’n bankbestuurder. Dus moes my ma elke vyf jaar inpak, trek