Plunder
By Antjie Krog
()
About this ebook
Antjie Krog
Anna Elizabeth (Antjie) Krog is op 23 Oktober 1952 in Kroonstad gebore. Sy is 18 jaar oud toe haar eerste digbundel, Dogter van Jefta, in 1970 verskyn. In 1972 verskyn Januarie-suite en dit is in 1973 met die Eugène Marais-prys bekroon. Sy behaal 'n BA-graad en honneursgraad in Engels (1973) aan die Universiteit van die Vrystaat. In 1976 verwerf sy 'n MA-graad in Afrikaans aan die Universiteit van Pretoria. Haar digbundel Jerusalemgangers is in 1987 met die Rapportprys bekroon en in 1990 ontvang Antjie die Hertzogprys vir poësie vir Lady Anne. In 1993 is sy aangestel by die tydskrif Die Suid-Afrikaan, en in 1995 begin sy as politieke verslaggewer by die SAUK te werk. Antjie lewer van 1996 tot 1998 verslag oor die Waarheids- en Versoeningskommissie. Sy verwoord haar ervarings oor die proses in Country of my Skull wat in 1998 gepubliseer is en wat met onder meer die Alan Paton-toekenning vir niefiksie en die Olive Schreiner-prys ontvang. In 2003 word die bundel Met woorde soos met kerse, wat haar Afrikaanse vertalings en herbewerkings van poësie uit Suid-Afrikaanse inheemse tale, en een van die San-tale, bevat, aangewys as die wenner van die Suid-Afrikaanse Vertalersinstituut se driejaarlikse wedstryd. Kwela Boeke publiseer in 2004 die digbundel Die sterre sê 'tsau' en dit haal die kortlys van die M-Net-prys vir poësie vir 2005. Kleur kom nooit alleen nie is in 2001 met die eerste RAU-prys vir skeppende skryfwerk bekroon. Sy is sedert 2004 'n buitengewone professor in Lettere en Wysbegeerte aan die Universiteit van die Wes-Kaap.
Read more from Antjie Krog
Eerste gedigte Rating: 4 out of 5 stars4/5Kleur kom nooit alleen nie Rating: 0 out of 5 stars0 ratingsMede-wete Rating: 0 out of 5 stars0 ratings
Related to Plunder
Related ebooks
Hierdie mens Rating: 0 out of 5 stars0 ratingsEk stamel ek sterwe Rating: 0 out of 5 stars0 ratingsDie windvanger Rating: 4 out of 5 stars4/5Die boek van toeval en toeverlaat Rating: 3 out of 5 stars3/5Om die gedagte van geel Rating: 0 out of 5 stars0 ratingsIngrid Jonker: Versamelde gedigte Rating: 0 out of 5 stars0 ratingsStories uit 'n Straat Rating: 0 out of 5 stars0 ratingsDie sneeuslaper: Verhale Rating: 4 out of 5 stars4/5Versamelde werk - Sheila Cussons Rating: 0 out of 5 stars0 ratingsKaar Rating: 5 out of 5 stars5/5Nuwe stemme 5 Rating: 0 out of 5 stars0 ratingsVyf-en-veertig skemeraandsange: uit die eenbeendanser se werkruimte Rating: 0 out of 5 stars0 ratingsIngrid Jonker Versamelde Werke Rating: 5 out of 5 stars5/5Bot Rating: 0 out of 5 stars0 ratingsBientang Rating: 3 out of 5 stars3/5Lot se vrou Rating: 0 out of 5 stars0 ratings’n Hart is so groot soos ’n vuis Rating: 4 out of 5 stars4/5Vers & vrou: 258 gedigte Rating: 0 out of 5 stars0 ratingsDie Gewildste Afrikaanse gedigte Rating: 0 out of 5 stars0 ratingsdie na-dood: die singende hand se oggendboek-hierinneringe Rating: 0 out of 5 stars0 ratingsKelder Rating: 0 out of 5 stars0 ratingsDie verlore seun vannie Gaatjie Rating: 5 out of 5 stars5/5Die verleiding van Eva de Winter Rating: 0 out of 5 stars0 ratingsGerugte van reën Rating: 4 out of 5 stars4/5Pieter-Dirk Uys: Weerklink van 'n wanklank: Memoires van toe en nou Rating: 0 out of 5 stars0 ratingsHammie Rating: 5 out of 5 stars5/5Snak Rating: 0 out of 5 stars0 ratingsAl is die maan 'n misverstand Rating: 0 out of 5 stars0 ratingsWoud van nege en negentig vlerke Rating: 2 out of 5 stars2/5Kennis van die aand Rating: 3 out of 5 stars3/5
Related categories
Reviews for Plunder
0 ratings0 reviews
Book preview
Plunder - Antjie Krog
Skrywers werk lank en doen intense navorsing om ’n boek te skep wat uiteindelik gepubliseer word. Die e-boekweergawe van so ’n titel is, net soos die gedrukte uitgawe, nie gratis nie. Daarom mag jy nie die e-boek gratis versprei nie, maar moet jy dit by ’n gemagtigde e-boekhandelaar koop. Indien jy die e-boek gratis versprei, oortree jy die Wet op Outeursreg 98 van 1978 en stel jy jouself bloot aan vervolging.
Antjie Krog
plunder
Human & Rousseau
Oor die uitleg
Die uitleg van gedigte in hierdie digitale uitgawe van plunder mag verskil van dié van die gedrukte uitgawe, afhangende van die instellings op u leestoestel. Die uitleg vertoon optimaal indien die standaardinstelling op u leestoestel gebruik word. Lesers kan egter eksperimenteer met die instellings vir verskillende perspektiewe op die gedigte.
vir John – soos altyd
1.
dit kom nie meer op my af nie
dit kom nie meer op my af nie
die geluid
die geluid van ’n gedig
kom nie meer op my af nie
*
weelderig span die somer haar windbloudoek
dit dein van appels, rose en gerwe
in die ou boord hang pruime as donker vermoedens
sluk jou hart af, my lief ons eet spriet
*
’n bottergat kom knus ’n sperwer
kantel in silwerblaar-amandel
’n afskeidnemende wêreld is al wat priem
tussen soveel opgesaalde woorde
ag, my verspilde taal en afgrondvers
die klokke van die westerkerk
galm soos soetanes deur die nat
*
hoe verlore gly ons deur ons eie hande
hoe pervers die daglig in jou wimpers
wanneer laas was ons lewerbruin van lus
preigroen in ons eie doening
wanneer laas ’n nuwe asemveld
en cochenille-rooi ons prooi
daardie wakkerte betrag ons nie meer nie
*
vlamme spat soos bloeiende swaardlelies
oogbalwit vat die virus vlam
vuur knetter tot in die longbuidels
sissend deur aortas borrel bloed
*
die winterbome se senuweestelsels
strek roerloos deur die lug wat braak lê:
die kankerneste van duiwe
die klierneste van vinke
*
dit kom nie meer op my af nie
alles is yster alles het verstyf
ek lees hoe ander skryf:
naeltjiebruin, berlynblou, en romig, romig jou nek
jou lang, lang, lang bene vervul my met raserny
maar op my?
op my kom dit eenvoudig nie meer af nie
eenmalig het ek behoort tot die brandendes
nou wil my stem iets dryf
sidder dit walglik klammerig van omgee en vergifnis
writing retreat
liefste
op ’n vreemde, reënerige, neerdrukkende dag
het ek jou verlaat
is jy bewus daarvan dat ek jou mis?
dat ek somer agtergelaat het vir winter?
sou dat ek jou hier raakloop
waar jy skielik om ’n hoek kom
jy is in my boeke met jou toestemming
hoe gaan dit met jou?
hoe dikwels dink ek nie aan jou nie
dat jy hier moet wees
ek wag op nuus soos altyd
om al oënde te vervorm
alles hoorbaar in die mond te neem
die inkarteling van jou naeltjie
die liglek van larinks
poësie vertel die sakrale as die nag oor die aarde val
ek ontdek dit een mistige oggend in Mei
lig, maar geen hemel
sien, maar geen afstand
’n soort jag agter drome aan
en waarop kom ek af:
geskep uit ’n duisend blare en grasse
hangend in die lug?
’n tonnel ’n pad
’n deurgang van druppels lig
asof mens vir die eerste keer op ’n plek kom, te laat
elke beweging gebreek ál met die spoorlyn langs
berkebome weerspreek enige rigting
van pyn en uitgelewer wees
van ingedagte en vreesbevange wees
dit het gebeur: die oomblik van ophou
min van ons soet vermoeienis het oorgebly
net insekte wat ons verledes verwerk
wat doen jy? sekerlik lesend op jou selfoon?
ons gaan ’n nuwe era binne, ’n ander soort vrees
iets onsigbaars ek skryf maar net wat ek kan
asseblief, moenie vergeet dat ek jou nooit sal vergeet
sonder om jou kennis te gee nie
dis wanneer ek weg van jou is
dis wanneer ek weg van jou is
dat ek skielik oorval word
deur ’n vrees: hoe sou my lewe
sonder jou wees?
want skielik sien ek jou van ver af
hoe jy nou by die huis
jou sekure onopvallende gang gaan
met die silwer poniestert op jou rug
en weet hoe ek my hele lewe lank nog
op jou kon vertrou
op jou oordeel
jou moerige morele kompas
jou onversetlike empatie
jou onbuigbare begrip en respek vir my
jou x-straalverstaan van my diepste verrottings
jou korte-mette-taalgebruik
jou sagte hart jou harde tong
en dat ek altyd en altyd
van waar ook al ná wat ook al
na jou kan terugkeer
en dat jy bly sal wees om my te sien
ek weet ook dat jou binnekant
vol kommer is en stres
jou magteloosheid wat jy vir jouself hou
en dat jy soms, as jy alleen is, dink
dat ek jou nog nooit lief genoeg gehad het nie . . .
dat ek jou gekies het as ’n heenkome
en nie as die volvoering van vurige liefde nie
ek omhels jou deur al die versperrings van die gedig
met sulke spytige verwyte het ek geen