MY LANG STRYD VOOR BOOKER-ROEM
‘DIS WAARSKYNLIK ’N BIETJIE SOOS OM DIE LOTERY TE WEN. DIT KAN JOU OOK VERNIETIG’
HY IS nie iemand wat sy gevoelens sommer wys nie. Die skaam en ietwat teruggetrokke Damon Galgut dra nie sy hart op sy mou nie, maar toe hy as die wenner van vanjaar se Booker-prys vir die beste Engelse roman aangewys word, was hy duidelik oorstelp van vreugde.
Toe die skrywer van Kaapstad in die glansryke seremonie in Londen op die verhoog stap, het dit ’n oomblik gelyk asof hy in trane gaan uitbars. Eindelik, ná twee vorige benoemings, het hy met sy roman The Promise een van die wêreld se gesogste literêre pryse gewen.
Damon (58) is die derde Suid-Afrikaanse
