Misdaad, moord en Meyer lê lekker lepel
DIE man wat die deur oopmaak, is baie maerder as ’n jaar of wat gelede. Hy vertel hy was toe so dik en onfiks soos lanklaas tevore.
Gelukkig ontdek hy toe die Lose It!-app, begin kilojoules tel en die kilogramme smelt weg (al het hy in die inperking verwoed begin muffins bak).
Dit kan Deon Meyer óf Vaughn Cupido wees met wie hierdie storie begin. Behalwe dat Deon nie so ondiskreet oor sy langbeenvrou, Marianne, sou praat soos sy gewilde polisiemankarakter wat vertel hoe hy een oggend nie sy broek kon toekry nie: “Toe is ek bang Desiree sien dit. And then the rest of it dawned on me: Sy is hierdie sleek and sensual animal, sy kan pick and choose. En nou’t sy hierdie dik drol
