DIS nié die Vanrhynsdorp wat ’n mens in toeristebrosjures sien nie. Die vlakte lê eindeloos voor jou uitgestrek en daar is nie ’n veldblom in sig nie.
“Spitsverkeer op Vanrhynsdorp is wanneer daar vyf karre is,” sê Maria Lakay en wys uit haar ruim sitkamer na die N7 doer in die verte.
In Augustus, wanneer Namakwaland in baldadige blommekleure ontplof, sal dit ’n ander storie wees. Dan wemel die dorp van mense wat die skouspel kom bewonder.
Maar vandag geniet Maria en haar man, Rodney, die stilte en die onbelemmerde uitsig op die Maskamberg uit die droomhuis wat hulle vir hulself hier laat bou het.
“Ons het in 2022 in hierdie huis ingetrek. Ons het self die planne geteken. Ons het sketse gemaak oor hoe ons die huis
