Hammie

By Ronelda S Kamfer

In haar eerlikste bundel nóg dig Ronelda S Kamfer oor die intieme en komplekse verhouding tussen ma en dogter. In Hammie verwerk die digter die verlies van haar ma deur outobiografiese gedigte – genuanseerde verse waarvan die toonaard melankolies en ook ontstellend is. Sy dig oor haar grootwordjare op die Kaapse Vlakte, oor Afrikaans, ras en klas, en oor moederskap, maar bowenal ontgin sy dít wat ongesê bly tussen ouers en kinders, tussen vriende en kennisse, tussen familielede. Met Hammie verwoord Kamfer meer as net die leefwêreld van ’n generasie of kultuur: sy bevestig haar unieke, volwaardige digterstem in Afrikaans.

• Language: Afrikaans
• Publisher: Kwela
• Release date: Feb 1, 2016
• ISBN: 9780795707582

Ronelda S Kamfer

Ronelda S Kamfer is in 1981 in Kaapstad gebore. Sy matrikuleer in 1999 aan Eersterivier Sekondêr en verwerf in 2011 haar honneursgraad in Afrikaans en Nederlands aan die UWK. In 2009 word sy mede-wenner van die Eugène Marais-prys vir haar debuutbundel, Noudat slapende honde. In 2011 verskyn haar tweede digbundel, grond/Santekraam, en in 2012 word sy bekroon met ’n Absa Kanna vir vernuwing in Afrikaans. Die Nederlandse vertalings van Noudat slapende honde en grond/Santekraam verskyn onderskeidelik in 2010 en 2012 by Podium.

Book preview

Hammie

Ronelda S Kamfer

Kwela Boeke

Die uitleg van gedigte in hierdie digitale uitgawe van Hammie mag verskil van dié van die gedrukte uitgawe, afhangende van die instellings op u leestoestel. Die uitleg vertoon optimaal indien die standaardinstelling op u leestoestel gebruik word. Lesers kan egter eksperimenteer met die instellings vir verskillende perspektiewe op die gedigte.

Vir Allisen Gertrude Kamfer

The moon is low tonight

Nightswimming deserves a quiet night

I’m not sure all these people understand

It’s not like years ago,

The fear of getting caught,

Of recklessness and water

They cannot see me naked

These things, they go away,

Replaced by every day

Nightswimming, remembering that night

– REM, Nightswimming

Well, did you trust your noble dreams and gentle expectations

to the mercy of the night?

The night will always win,

The night has darkness on his side

– Elbow, The night will always win

I wish I could take the pain away,

If you could make it through the night, there’s a brighter day,

Everything will be alright if you hold on,

It’s a struggle every day, gotta roll on

And there’s no way I could pay you back

But my plan is to show you that I understand

– Tupac Shakur, Dear Mama

hammie (selfstandige naamwoord): ma, moeder, mammie (Kaaps)

Ronelda, jy is my kind en jy bly my kind tot die dag wanneer die maan ’n ander naam kry. – Gertruida Kamfer/Hammie, November 1999, Stratford Green, Eersterivier

Vir die voëls

ek het bloed op my hande

van al die vredes wat ek bewaar

ek het al jare weggelieg

om op te maak vir verlore tyd

maar

mens kan net soveel keer

jouself uitbrand

en oor begin

Vetste vlieë

daar’s ’n nuwe breed

van vintage-wearing bruin meisies

wat eers hulle hare straight gesool

en Engels gepraat het

wat Foschini accounts gehad het

en net first class gery het

die type wat boyfriends gehad het

toe hulle nog burks was

die type wat offended geraak het

as ek iets verkeerd scan agter die till by Clicks

die type wat die light skin gene

in die family gehou het

die type wat die mooiste meisie

in die township was

die type wat mooi was vir coloured mense

die type wat