Julle sê ...
’N DAG SE TOUSTAAN
Ek sit met ’n klompie neute in die holte van my hand. ’n Tenger vrou met ’n pragtige doek om haar kop het gedeel wat sy gehad het met die vreemdelinge rondom haar. En ek dink by myself hoe gelukkig ek is om deel te wees van hierdie dag.
Vandag het ek die geleentheid gehad om vir die hele dag, van tienuur tot halfsewe, by my plaaslike munisipaliteit tou te staan. Dit was ’n baie lang ry met baie diverse mense. Daar is die onderwyseres wat sommer daar, in die ry, ’n Zoom-klas aanbied. Gryskop wat vir sy verkreukelde vrou ietsie te ete aandra en Pienkhemp wat almal laat skater met sy kwinkslae.
Elkeen met sy of haar eie kommernisse wat hulle gedwing het tot hier in die ry.
Ná baie geselsies in die skroeiende
