MENINGS OOR STORIES OP HUISGENOOT.COM

1 GLANSHUWELIK ‘OP DIE ROTSE’

Die glanspaar Angelique en Jacques Potgieter se huwelik is op die rotse nadat daar verlede jaar op sosiale media beweer is hy was ontrou aan haar

Dit is vir my alles reg dat hulle uitmekaar wil gaan. Want ons weet nie wat alles in iemand anders se huis aangaan nie. Ek sal hulle nie sleg maak nie, maar dis die kinders wat daaronder ly. Baie sterkte.

DIANNE

Twee mense kan nie by mekaar bly net ter wille van hul kinders nie. Hoe gaan ’n mens aan as daar ’n rondlopery was? Daardie vertroue is mos nou permanent geskaad. Mense werk ook nie meer hard genoeg aan hul huwelik nie.

PAULINE

Ai, dis altyd sleg om van sulke goed te hoor. Dit is so jammer. Dit is ’n man na wie ’n mens opsien, en dan kom sulke stories uit. Kon hy regtig nie soos ’n ware man optree nie? Jy het mos altyd ’n keuse: ja of nee.