1 OSCAR: GENOEG GEBOET?
Agt jaar agter tralies vir die moord op Reeva Steenkamp. Talle glo Oscar Pistorius verdien om parool te kry, maar ander dink hy moet nog boet
Los hom net uit. Parool is die voortsetting van sy vonnis buite die tronk. Hy sal ’n baie nou en reguit pad moet stap, anders word hy dalk weer toegesluit. Hy sal nooit so vry kan leef soos hy wil nie, en sal vir altyd vir sy daad boet.
STEPHANIE
Ek het tot drie weke gelede gevoel hy moet vrygelaat word. Maar toe skiet drie moordenaars my jongste seun dood, en ek voel heeltemal anders vandag. As hulle ooit gevang word, sal ek nie wil hê dat hulle ooit vrygelaat moet word nie.
HENNIE
Aan Reeva se ouers omdat die seer en die vrae altyd daar sal wees. Oscar, jy kry ’n tweede kans wat Reeva nie kan kry nie, maar sterkte en ek hoop die Steenkamps sal jou vergewe, al is dit moeilik. Mooi loop, almal.