HY IS ’n digter, ’n skrywer en ’n kletsrymer.
Jy kan al dié dinge in een enkele woord saamvat.
Frazer Barry (49), aanbieder van die gewilde kykNET-program Ommi-Ghellie, is ’n storieverteller.
Waar ons vandag by hom op sy geboortedorp, Kleinmond, aan huis kuier, vertel hy ’n storie met soveel kleur en geur dat almal aan sy lippe hang
Die wind wat met mening op dié kusdorp woed, is vergete toe Frazer met ’n koppie koffie op ’n gemakstoel gaan sit en die stories begin uitryg.
Die see lê uitgestrek agter hom waar die balkondeur toegetrek is om ons teen die wêreld te beskerm.
In deel gewone mense hul stories met Frazer, maar vandag is dit hy, die aanbieder, wat sy
