ONS KAALFOTO-NAGMERRIE
‘AANDAG HET ’N VERSLAWING GEWORD. AS EK NIE ÊRENS GEHOOR HET HOE SEXY EK IS NIE, KAN EK NIE SLAAP NIE’
ROXY Ek was net 13 jaar oud toe ek “stuur” kliek op die eerste eksplisiete foto. Die ontvanger is Dan, ’n aantreklike en gewilde seun wat vier jaar ouer as ek is.
Die feit dat hy vir my boodskappe begin stuur het, het my goed laat voel, maar die oggend nadat ek die eerste foto van myself in my onderklere gestuur het, voel ek vuil. Maar ek wil nie Dan se aandag verloor nie. Ek sê vir myself hy hou van my. Hy hou so baie van my dat hy meer foto’s wil hê. Meer eksplisiete foto’s. Die versoeke verander in eise, en as ek nie daaraan voldoen nie, skryf hy …
Rox, jy is so koud.
Ondanks die duidelike absurditeit van die woord, is ek vreesbevange om koud genoem te word. Wanneer Dan my koud begin noem omdat ek nie naakfoto’s stuur nie, maak dit my opreg seer. Hy het al baie gevra sedert daardie eerste foto, maar ek het altyd verskonings uitgedink om daaruit te kom en om sy belangstelling te behou: “Ek pas kinders op”, “my suster is bang en slaap in my kamer” – enigiets.
Maar hy glo dit nie. Vanaand sê hy:
Rox, as jy nie foto’s stuur nie, gaan ek vir mense moet sê jy is superkoud.
Hy gaan vir almal sê ek is koud, dan versprei
You’re reading a preview, subscribe to read more.
Start your free 30 days