AS KIND het hy in die stofstrate van Ceres saam met sy maatjies raakrugby gespeel – ’n regte klein blits met ’n Cokeplastiekbottel vol sand as die bal.
Toe al het almal geweet: Dié mannetjie is vinnig, hoor. Maar nooit sou hy kon droom dat hy eendag met ’n allemintige atletiekbeurs Amerika toe sou gaan, of dat hy vanjaar sou kon hoop op ’n medalje by die Olimpiese Spele nie. Adriaan Wildschutt is net 26, maar hy het die plaaslike sportwêreld deesdae aan sy vinnige voete.
Die seun van die Warmbokkeveld slyp tans in Arizona aan sy uitsonderlike talent. Hy het vroeër vanjaar sy plek einde Julie op die vliegtuig na die Olimpiese Spele in Parys bespreek met sy Olimpiese kwalifiserende tye in sowel