INSPIRASIE
Een ding: sy hét dit – gebore met dit. Die Oud-Bolander Ronel Beukes (63) is 'n blits op die atletiekbaan en dié ma van twee sou vandag seker‘n Springbokatleet gewees het – as haar omstandighede dit desjare toegelaat het.
Dat Ronel ten spyte van haar verlede vandag steeds‘n wêreldklasatleet is, is‘n feit. Sy is die ma van die bekende akteur Marvin-Lee Beukes, wat ons al onder meer gesien het as die tweeling Donovan en Greg in Suidooster en Juan in Die Byl.
Vra jy Ronel vandag oor die verlede, is daar geen bitterheid te bespeur nie. Desjare het ons land se apartheidsbeleid verhoed dat bruin atlete hul wit eweknieë op nasionale vlak die stryd kon aansê.“Ek sou byvoorbeeld graag 'n beroepsatleet of fisioterapeut wou word. Dit