KOES, CHAD, HIER KOM ETHAN!
DAAR is ’n onmiskenbare glimp van staal in die 17-jarige Ethan du Preez se blou oë.
’n Kyk waarvoor selfs Suid-Afrika se mees bekroonde Olimpiese swemmer, Chad le Clos, versigtig moet wees.
Want vroeër vanjaar het Ethan gedoen wat baie mense sou dink onmoontlik is: Al is hy net ’n leerder, het hy die legendariese Chad (29) in die swembad uitgestof om vir die Olimpiese Spele in Tokio te kwalifiseer. Huisgenoot het by Ethan in sy tuiste, Milnerton, die Kaapstadse kusvoorstad met die poskaartuitsig oor Tafelberg, gaan kuier om uit te vind hoe erg benoud Chad moet wees.
Die antwoord is baie. Ethan oefen soos ’n masjien –
