INGESKRYF IN DIE LEWE IN
‘DIE plaas was ’n rustige plek. Dit was letterlik onder die Franschhoekse berge. Ek onthou soggens as ek wakkerskrik, kon ek die tarentale en die voëltjies hoor. Daar was een blommetjie wat ek onthou wat so lekker geruik het. Dit was great op die plaas. Smiddae as ek en my vriende uit die skool gekom het, het ons Brakanjan gekyk en dan soos musketiers in die boorde met houtswaarde gevegte gehad.
Dis wat ek van my kinderjare op daai plaas onthou.
Die dag wat ons van die plaas af uitgesit is, is ’n dag wat vir my altyd sal uitstaan. Ek was 15, en daar was rumours op daai stadium. My ouers het geweet dit gaan kom, want daar was rumours oor dit – die ander mense was
