Doodgewoon DEON
Marianne is een van die beste dinge wat nog met my gebeur het
Deon
Diee Nasionale Afrikaanse Letterkundige Museum en Navorsingsentrum in Bloemfontein het onlangs ’n nuwe artefak uit die vroeë 1970’s ontvang: ’n boekie, met die hand geskryf – ’n n spanningsverhaal oor ’n jong Afrikaanse vlieënier wat in die Tweede Wêreldoorlog die Duitsers links en regs neerskiet.
Die skrywer: die 14-jarige Deon Meyer van Klerksdorp.
Vandag, vyftien romans, twee internasionale TV-reekse, drie kortverhaalbundels, vier flieks en talle nasionale en internasionale toekennings later, lag Deon oor sy destydse novelle en sy “perfekte held met geen swakhede nie”, want dit is juis ’n uiters feilbare held wat die afgelope byna twintig jaar momentum aan sy welslae as skrywer gegee het. Speurder Bennie Griessel, aan wie lesers so geheg geraak het dat hulle selfs vir Deon briewe skryf en vra dat Bennie asseblief net nie weer moet begin drink nie. Die plaaslike verkope van sy jongste boek, Donkerdrif, met Bennie en Vaughn Cupido weer op die spoor van die boewe, het tot oudpresident Barack Obama se A Promised Land geklop. Donkerdrif se Nederlandse en Duitse vertalings het pas verskyn en die res is in wording.
Dis vir hom dikwels nog onwerklik wanneer hy oorsee in ’n boekwinkel inloop en sy boeke daar sien, sê Deon, ’n koppie warmsjokolade in die hand terwyl ons op ’n reënerige dag op Stellenbosch
