Soene op 'n Suzuki
()
About this ebook
Janie Oosthuysen
Janie Oosthuysen is die skrywer van verskeie kinderboeke soos die Ouma Hester en Grandma Duckitt-reekse, Juffrou Luisenbosch en die breinwassers, Professor Eksperimento se verskriklike formules, Sersant Spochter se ongelooflike leuenverklikker, e.a. Sy is die wenner van die S. A. Akademie vir Wetenskap en Kuns se vertaalprys vir die eerste 5 Harry Potter-boeke in Afrikaans. Sy het ook vier van die verhale in die Narnia-reeks vertaal, asook die eerste in die Artemis Fowl-reeks. Janie het ’n aanlyn-afstand kursus, Skryfgeheime, wat oor twaalf maande en tien modules strek. Hierin deel sy haar kennis en ervaring oor die skryf van kinder-en-jeugboeke. Dis prettig, prakties en professioneel.
Read more from Janie Oosthuysen
Daar is 'n ou in my aarbei-smoothie Rating: 0 out of 5 stars0 ratingsOuens is nes ekstra bagasie Rating: 0 out of 5 stars0 ratingsRugbyballe en bikini’s Rating: 0 out of 5 stars0 ratings
Related to Soene op 'n Suzuki
Related ebooks
Tienerharte 3: Hartedief Rating: 5 out of 5 stars5/5Afgehandel (2de uitgawe) Rating: 0 out of 5 stars0 ratings'n Blonde bom Rating: 5 out of 5 stars5/5Skadujagter Rating: 2 out of 5 stars2/5Die Poort 2: Reisigers Rating: 5 out of 5 stars5/5Moord en Ander Inkopies Rating: 0 out of 5 stars0 ratingsAlles wat blink Rating: 0 out of 5 stars0 ratingsDubbeldoor Rating: 0 out of 5 stars0 ratingsTienerharte 4: Hartsnaar Rating: 0 out of 5 stars0 ratingsSpeurder Kwaaikofski 2: Die geheim van die vlieënde koei Rating: 0 out of 5 stars0 ratingsKortetjies en 'n lange Rating: 0 out of 5 stars0 ratings’n Hart is so groot soos ’n vuis Rating: 4 out of 5 stars4/5Vlerke vir almal Rating: 4 out of 5 stars4/5Die Kuns van jou Liefde Rating: 0 out of 5 stars0 ratingsSiobhan van die sirkus Rating: 0 out of 5 stars0 ratingsSpeurder Kwaaikofski 10: Monsters, maanlig en mottegif Rating: 4 out of 5 stars4/5Mot kry kleur Rating: 0 out of 5 stars0 ratingsSondebok Rating: 5 out of 5 stars5/5Donkerbloed Rating: 0 out of 5 stars0 ratingsGrootmenswêreld Rating: 0 out of 5 stars0 ratingsBreinBliksem Rating: 5 out of 5 stars5/5Tussen die Vuur en As Rating: 0 out of 5 stars0 ratingsTienerharte 2: Hartbreker Rating: 0 out of 5 stars0 ratingsDie Poort 1: Bewakers Rating: 1 out of 5 stars1/5Onderwêreld Rating: 4 out of 5 stars4/5Vlug of veg Rating: 0 out of 5 stars0 ratingsMoord Rating: 0 out of 5 stars0 ratingsHoë hakke met hoogwater Rating: 0 out of 5 stars0 ratingsDie Kringloop van die Lewe Rating: 5 out of 5 stars5/5Swartskaap Rating: 0 out of 5 stars0 ratings
Reviews for Soene op 'n Suzuki
0 ratings0 reviews
Book preview
Soene op 'n Suzuki - Janie Oosthuysen
Die Suzuki skiet vorentoe en die momentum dreig om my uit die saal te slinger. Ryno loer oor sy superbreë skouer en sy lippe vorm woorde, maar die wind pluk dit weg voor ek kan uitmaak wat dit is. Maar wat maak dit saak? Ek het mos ’n verbeelding. Beter. Dis ’n lekker verskoning om nader aan hom te skuif en my arms nog stywer om sy lyf te slaan terwyl ek soene in sy nek blaas.
Ons gaan skuins-skuins om ’n draai en die teer maak ’n streep onder my linkerknie. Toe ek dit uitgil, verminder die spoed onmiddellik.
Bang?
roep Ryno na agter.
Wie? Wat? Waarvoor?
skree ek teen die wind. Hoekom so stadig?
Hy lag en maak oop en die pad flits weer onder ons verby. Te gou kom ons tot stilstand voor Olienhoutstraat 9. My lyf bewe so, ek moet ’n rukkie met toe oë teen Ryno se rug lê en wag dat my hartklop bedaar. Nie dat dit gebeur nie. Die sensasie van sy gespierde lyf teen my nuwe double whoa, padded, push up, plunge Jezebel-bra laat my hart wild skop.
Dit was die coolste aand van my lewe. Niks sal die herinnering kan uitwis of bederf nie. Ek sal elke oomblik vir ewig en altyd onthou. Hoe ons by Fat Katz stilgehou het – hoe al die oë op my was toe ons arm om die lyf daar instap – hoe van die meisies agter hulle hande gepraat het. En láát hulle skinder. Ten minste het Lizanne Meyer ’n slag iemand wat supercool is en doen sy iets wat almal laat praat. Ek bedóél – gee kans – die aand moet nog begin . . .
Neeeee! Wie het die simpel tuinligte aangeskakel? En wie staan daar afgeteken op die stoep? Kramp, tog nie Ma nie. Wat dóén die draak daar? Sy’s dan uit vir die aand! Hoe kan sy nou al wil terug wees? En vir wat staan sy daar en kyk? Vertrou sy my nie?
Ek kan krokodille vang. Nie net het Ma vir my gelieg nie, sy’t my hele aand bederf. Die plan was om Ryno in te nooi vir koffie (en ietsie ekstra, wie weet, jam-jam), maar hoe kan ek met die draak in die huis?
Ek moet jou ma seker gaan groet,
sê Ryno stywerig.
Wat?
My hart spring amper bo by die Jezebel uit sodat ek angstig wonder of een van die c-thru bandjies dalk geskiet het. Ek het die 6y swart nommertjie op die internet bestel en ek is mal daaroor, maar dis so fyntjies, ek vertrou dit nog nie heeltemal nie.
Is jy mal?
keer ek terwyl ek met ’n supergladde beweging van die motorfiets afglip. Hopelik het Ma nie gesien waar ek tot nou toe gesit het nie. Of kan haar supersoniese draak-oë tot hier kyk?
Gaan jy liewer huis toe,
raai ek Ryno aan terwyl ek ongemerk voel of die Jezebel nog in beheer van sake is. (Jip, die girls is nog op hulle plekke, wat ’n verligting, sjoe.) Met ’n ligter gemoed babbel ek verder: "Dis genoeg dat ék in die moeilikheid is, dis nie nodig dat jy
ook . . ."
Moeilikheid?
val hy my in die rede. Wat het jy dan gedoen?
Agterdogtig kyk hy na die stoep. Weet jou ma nie jy was uit nie?
Ek bly hom ’n antwoord skuldig. Daar’s net geen manier dat ek vir Ryno gaan sê ek mag nie op ’n motorfiets ry nie. Hoe cool is dit tog?
Lizanne?
Hy klink bekommerd. Wat’s fout? Is dit oor my?
Nee, nee, dis nie jy nie, dis iets heeltemal anders!
Ek sit my hande teen sy bors en kyk in sy oë – heng mooies met wimpers wat glads te lank is vir ’n ou. Dit gaan te lank vat om te verduidelik, so loop net, oukei?
Dadelik wil ek my tong afbyt. Kon ek nie aan iets anders gedink het as loop net, oukei
nie? Ek meen, dis maar ons eerste date, dinge is nog in die sensitiewe beginstadium, mens moet jou woorde tel.
Hy kyk opsommend na my, draai dan sy oë na die stoep. Maar ek kan jou mos nie net hier los nie, hoe sal dit lyk? Laat ek jou ma ten minste groet en vir haar verduidelik . . .
Verduidelik? Aarg!
Dadelik praat ek hom dood. Dis nie ’n goeie idee nie, glo my, ek ken my ma, sy’s nie soos ander ma’s nie, regtig! Ry net. Ek sal haar gou genoeg uit haar bui praat,
jok ek by. Moenie so worry nie, als is oukei, wat van môreaand weer by Fat Katz, hè?
Fat Katz is die disco waar ek Ryno die eerste keer gesien het: die ou met die sexy wipkuif en die moenie-my-seermaak-nie-look van Josh Hutcherson van The Hunger Games. Dié ou oor wie Deana skoon digterlik geraak het toe hy instap met stywe Diesel-jeans aan en ’n metaalblou valhelm onder ’n gespierde linkerarm.
Mego, nuwe bloed,
het sy gesê en my in die ribbes gepomp. Toe het sy begin babbel: Ek wonder in watter skool hy is? Beslis nie ons s’n nie, ons het net nerds. Oooeeeee, kyk hoe check almal hom uit, en kyk hoe kyk hy vir jou! Ek sweer hy kyk die hele tyd net vir jou, jy’t ook al die geluk. Ag nee, daar loop hy uit, maar hy sal terugkom, gee kans. Jis, ek wonder hoe soen so ’n ou?
Ek stoot die herinnering weg terwyl ek hom ’n stampie in die rug gee. Ry nou net,
sê ek, voor ek weer kan begin fantaseer, ek meen, sy mond is net soooo sexy. Sien jou gou weer, oukei,
roep ek, en waai gemaak ongeërg oor my skouer terwyl ek oor die grasperk draf.
Heeltyd redeneer ek met myself. Dis omtrént goor om hom net so te los, maar wat