‘RIANA, sorg dat jy Vrydagaand se funksie by die stadsaal bywoon. Dis ’n fondsinsameling vir die hospitaal se nuwe pediatriese eenheid,” sê Pieter du Toit, die hoofredakteur van die dorpskoerant toe hy Woensdagmiddag voor haar lessenaar gaan staan.
“Dit is ’n deftige affêre en die wie’s wie van Mosselbaai gaan daar wees.”
“Dis reg met my,” antwoord Riana, en onmiddellik gaan haar gedagtes na haar klerekas. “Dink jy ek kan dalk iets deftigs gaan koop vir die geleentheid?”
“Net as jy self daarvoor betaal,” lag hy.
“Ek moes probeer!” laat hoor sy laggend voor hy buite hoorafstand is.
Maar ek is ernstig, wat gaan ek aantrek? Dalk kan Karen my help.
Riana Viljoen parkeer haar motor voor ’n deftige boetiek. Een van vele klerewinkels in die hoofstraat, maar hierdie winkel het die mooiste klere. “Hallo, Karen, ek het dringend hulp nodig en jy sal my moet help,” laat sy benoud hoor die oomblik toe sy instap.
“Kalmeer, vriendin, jy weet ek help
