UITSMYTER VIR DIE SIEL
‘EK LYK net so groot en rof, maar eintlik hou ek nie van baklei nie. Ek sort ’n ding die meeste van die tyd uit sonder geweld.
Maar as iemand kom moeilikheid maak, dan help ek hom hier uit. En as hy steeds nie wil luister nie, dan pot ek hom. Een hou en dan lê hy.
Daar in die begin het dit maar rof gegaan hier, maar deesdae gaan dit eintlik baie rustig. Hier is nie moeilikheid nie. Ek dink ek moes so vier jaar laas my kragte inspan.
Hierdie werk het sommer so oornag gebeur op 27 November 2009.
