DIE GESKENK
“Ma, ek's op pad!” Ek kyk nog 'n laaste keer in die spieël om seker te maak ek lyk orraait. Ek wou dit nie oordoen nie. Wou nie te overeager lyk nie. Hoekom moet ek? Hy het tog nog nooit omgegee vir my nie. As ek nie 'n boodskappie stuur nie, stuur hy ook nie.
Maar hierdie jaar is anders. Hierdie jaar wil ek die beter mens wees. Hy gaan tog immers oupa word.
Ek sit in die taxi met my hand beskermend op my maag. Ek wonder of Derrie sal kan sien sy dogter is swanger. Ons het mekaar so lanklaas gesien. Twintig jaar gelede om presies te wees. Dalk dink hy net dat ek vet geraak het. Ek is bietjie nervous, maar ook opgewonde.
“Kan ek by
