STEF SE VERLANGE
“Jy is te dierbaar om seer te kry. Jy is te dierbaar om seer te kry.” Dít is die woorde wat nog steeds in Stef kop maal toe die kis afsak. Haar man het altyd hierdie lied vir haar gesing en dit het haar goed laat voel. Hoe gaan sy en haar kinders die mas alleen opkom, wonder sy.
Haar vriendin, Bettie, kom staan langs haar en gee haar skouer ’n drukkie.
“Ek is hier vir jou,” sê sy en plant ’n soen teen Stef se kop.
“Dankie,” sê Stef en haar stem breek meteens. “Twintig jaar. Twintig wonderlike jare, Bet.” Stef vou haar hande inmekaar en die trane vloei vrylik oor haar wange.
Sy hoor die laaste woorde van die dominee: “Van stof is hy en tot stof
