HUL LIEFDE SE LOT
Bianca Benjamin staar doelloos voor haar uit waar sy op ’n bankie in die park sit. Sy is onbewus van haar omgewing, haar gedagtes by die gesprek wat sy vroeër die dag met Lionel, haar verloofde van die afgelope twee jaar, gehad het.
Hy het haar gevra om hom by hul gunstelingkoffiewinkel te ontmoet. Nadat hulle elkeen ’n koppie koffie voor hulle gehad het, het hy intens na haar gekyk. Sy eens sagte oë het vreemd gelyk. Maar niks kon haar voorberei op dit wat uit sy mond gaan kom nie.
“Ek is jammer, Bianca, ek kan nie voortgaan met die troue nie.”Hy vat ’n sluk van sy koffie en verstik.
Ná net een sin voel sy hoe haar hele wêreld inmekaartuimel, hoe al haar drome aan skerwe spat. Sy raak bleek en voel hoe die histerie in haar binneste opbou. Dis asof
