BY DOOD SE DEUR
Dis laatnag. Lia kan nie aan die slaap raak nie. Sy besluit om ’n koppie Milo te gaan maak. Verbeel sy haar of het sy die gerinkel van koppies in die kombuis gehoor? Sy stap op haar tone die gang af. Die kombuisligte is aan.
Versteen gaan staan sy by die lang ry portrette in die gang. Haar oog val op haar suster Nella se troufoto wat stukkend op die grond lê. Koue rillings gly langs haar ruggraat af. ’n Sug ontsnap uit haar borskas en haar hart skop woes toe sy haar geliefde sus in die hoekie op die grond sien sit.
Vir ’n oomblik het sy nie woorde nie. “Hi, mens, vir wat laat jy
