WATER KRUIP OOK
Die maatskaplike werker, Tessa, se woorde kom soos ’n veraf eggo aangerol.“Ek is jammer om sulke nuus met julle te deel. Ek sal julle tyd gee om dit te verwerk.”
Tessa se hart krimp ineen vir die twee patetiese wesens oorkant haar. Nina se oë is groot en verward soos ’n vasgekeerde wildsbokkie in haar wasbleek gesig. Sy en Nico het ’n transformasie ondergaan vanaf Tessa se eerste ontmoeting met hulle.
Nina se gesonde, blosende wange het plek gemaak vir diep holtes onder styfgespande wangbene. Die donker poele onder Nico se oë vertel van slapelose nagte, van die wroeging waardeur man en vrou mekaar moes dra. Dit het begin met die nuus wat Tessa ’n maand gelede met hulle moes kom deel. Dat daar sewe jaar gelede moontlik ’n gruwelike fout ingetree het en twee babas in die hospitaal omgeruil was. Bloedtoetse moes gedoen word om die biologiese identiteit van albei kinders te bevestig. Vandag het sy
