Oor saadjies van hoop kan jy Nicky Jafta net mooi niks vertel nie. Want uit feitlik niks het dié Kapenaar ‘n suksesverhaal soos min opgedis.
Drie miljoen mense was hul werk kwyt weens die covid 19-pandemie, en op 56 was Nicky een van dié wat skielik sonder ‘n inkomste gesit het. Hy het die staat se noodtoelae van R350 per maand begin ontvang en sy vrou, Lynette, het darem nog ‘n geldjie verdien, maar dit kon nie al die gate toestop nie. Hoeveel kos kan ‘n ou met R350 koop? het hy destyds gewonder. Hoe kan hy dié bedraggie rek? En toe begin ‘n idee in sy kop wortel skiet …
Toe hy nog as motorverkoopsman gewerk het, het hy graag in sy eie tyd in die grond gevroetel, sê NickyGreen peppers was die eerste ding wat ek geplant het, en boerpampoene … Maar toe't ek weer opgehou.”