Essie skrik verward wakker toe haar selfoon skril op haar bedkassie begin lui. Met ‘n sagte “goeiemôre”begroet sy die een. Sonder om te groet, stroom die woorde in ‘n stortvloed oor Gerty se lippe.
“Vriendin, ek dink ek het nuus vir jou. Ek het deur al Peter se info op Facebook gegaan. Sy vriende, posts, likes en sommer alles. Ek het gesien sy vrou is nie een van sy vriende nie, net sy kind. Ek het ook so ‘n bietjie rondgevra en my antennas laag gehou.”Gerty lag lekker en vertel verder:“Mense wat hom ken, sê hy woon al die jare nog alleen in sy huis. Die bure het ook nog nie ‘n vrou by hom gesien in en uit nie. Dis nou al tien jaar …”Sy is skoon uitasem.“Dis nou wel nie