Bevry NÁ 42 JAAR
Esli Liebenberg was een Vrydag in November 2017 in ’n huurmotor op die Weskuspad, toe sy ’n bordjie sien: Yzerfontein links. Sy het impulsief links gedraai, en meters verder gedink: “Wat het jy nou aangevang?” Haar eksman, Bart*, het altyd geweier om daar af te draai, vertel sy. “En toe besef ek skielik: Hier is niemand wat skreeu: Wat dink jy doen jy? Wie gee jóú die reg, jou teef?”
Sy het op haar eie ’n besluit geneem – en dit was wonderlik bevrydend.
Die emosionele houvas wat ’n man soos Bart op jou kan hê, word skrikwekkend verwoord in Ilse Verster se boek, So lyk ’n vrou, wat onlangs by LAPA Uitgewers verskyn het. Daarin vertel Ilse die ware verhaal van Esli en haar 42 jaar saam met ’n man wat haar beheer, verneder, verkleineer, gemanipuleer, aangerand en afgekraak het. En van haar lang pad om weer heel te raak nadat hulle uitmekaar is.
Sy hoop dat dié verhaal vir ander vroue iets kan beteken. “Jong vroue wil ek waarsku,
