Ruikers en rillings
MARYNA trap haar outydse trapfiets met mening tot by die vulstasie op die hoek. Die dag het net soveel ure, en nou moet die nuutste bestelling sake kom ingewikkeld maak. Om vir mans ruikers te maak kan moeilik wees. Voeg daarby ’n ma wat haar volwasse seun met Coke – bid jou aan, Coke! – in ’n ruiker wil bederf.
Gewoonlik doen biltong, vrugte en lekkergoed die ding. Vir dr. Riaan Botha is dit boonop: “’n Coke in ’n glasbotteltjie, asseblief, my meisie. Dit moet keurig en fyn lyk.” Maryna parkeer haar erfstukfiets reg voor die deurnagwinkel se deur en word amper onderstebo geloop deur ’n haastige jong man. Hy storm verby tot by ’n goudkleurige Fortuner.
Saam met sy metgesel loop hulle na die agterkant van die Fortuner. Hulle kyk versigtig rond. Maryna bly botstil staan. Dit lyk asof hulle iets met ’n seil agter
