Die Onmoontlike Onsterflikes Kortverhaal Reeks Volume 4-6: Onmoontlike Onsterflikes

By Ronel Janse van Vuuren

Onsterflikes + Verveling = Katastrofe.

 

Iets oud en gevaarlik is besig om wakker te word, wat die onsterflikes laat optree volgens hul gekker instinkte.

 

Wanneer liefdesgode saam kom vir 'n konvensie, is dinge bestem om hand uit te ruk. Veral wanneer Cupido aanhou met sy pronkery en die Asteek god van liefde en speletjies alles in 'n kompetisie verander. Yue-Lao daag net op om Aine se aandag te kry, maar hy word in die malligheid betrek.

 

Yue Lao en Cupido ruil rolle om tot nadeel van sterflinge.

 

Kit het 'n vol lewe gehad om poetse op sterflinge en onsterflikes te speel. Maar die Eeu van Inligting het die pret uit alles geneem. Sy is moeg. Sy is verveeld. Net een ding pla haar: Apollo. Wanneer Apollo se manewales die vrede tussen panteons bedreig, kan net Kit bloedvergieting met haar kaskenades stop. Maar wil sy regtig?

 

Bast, Apollo en 'n Kitsune poets mekaar uit – wat lei tot 'n bloedbad.

 

Cynthia, maangodin en beskermer van die Aarde, het 'n ultimatum gestel: óf Poseidon en Pan kom by, óf die Noorse panteon sal hul pligte oorneem. Soos die Griekse god van storms en water die volle omvang van die skade wat aan sy domein aangerig is, besef, kan hy kalm bly of sal sy berugte humeur hom die oorhand kry?

 

Pan en Poseidon ding mee om onderskeidelik die land en water skoon te maak, wat meer vernietiging in hul nasleep veroorsaak.

 

Hulle is almal so besig met hul eie goed, hulle besef nie eens wat regtig aangaan nie...

 

Gebruik die skuifbalk boontoe om nou te koop en geniet die skreeusnaaksheid wat ontstaan wanneer verveelde onsterflikes loslaat.

• Language: Afrikaans
• Publisher: Ronel Janse van Vuuren
• Release date: Apr 10, 2023
• ISBN: 9798215543177

Book preview

Russiese Roulette

Mis stol en hy stap in 'n gebou in. Die banier aan die oorkant van die ingangsportaal lui: Welkom by die Honderdjarig Liefdesgod Konferensie. Yue-Lao sug saggies en verstel sy gewaad onder sy rugsak.

Haai, man! Lanklaas gesien. Cupid, in 'n adolessente inkarnasie, gee hom ‘n high-five en maak dat hy saam 'n reeks belaglike handdrukke en vuishoue doen.

Ek sien jy is verby jou gerubiese babafase, sê Yue-Lao en kyk die laaitie se geskeurde denimbroek, pienk T-hemp en gelled blonde hare deur.

Nee, dis steeds goed vir die handelsmerk. Maar ek het gehoor Prende gaan hier wees... sê Cupid met 'n stoute glimlag.

Yue-Lao rol sy oë. Drie konferensies terug het Cupid besluit om elke liefdesgodin daar die hof te maak. Net Prende het hom die stink-oog gegee – en haarself onweerstaanbaar gemaak vir die Romeinse god van liefde, begeerte, aantrekkingskrag en toegeneentheid.

Talismans en wapens hier, sê 'n kat wat op 'n lessenaar sit voor 'n groot kas wat as wapenkamer dien. Hartvormige konfetti lê op die tafel.

Die twee liefdesgode stap na die ry voor die Talisman inklokbank. Yue-Lao gee die kat sy rugsak gevul met rooi tou en sy tablet wat die toekoms van voorafbepaalde paartjies bereken. Cupid oorhandig sy boog en koker propvol glinsterende pyle.

Dankie. Geniet die konferensie!

Yue-Lao sien 'n ander kat sy rugsak in die wapenkamer neem. Hy hoop dat hierdie katte aan Bast behoort en nie aan Freyja nie – die laaste keer wat een van die liefdesgode bediendes lojaal aan hulle saamgebring het, het Aine amper almal van hul magte gestroop en in pampoene verander!

Yue-Lao gaan die sitkamer binne wat gevul is met liefdesgode in verskillende inkarnasies wat mekaar groet asof hulle mekaar vir ewig laas gesien het – en nie mekaar se kompetisie vir sterflike aandag is nie.

Hy ignoreer die oorweldigende parfuum van rose in vase op elke beskikbare oppervlak – selfs in die kaggel. Hy verkies baie meer die onderskatte elegansie van orgideë en die eenheid wat hulle verteenwoordig bo die romantiese en soms vlugtige liefde watrose simboliseer.

Hy glimlag en knik net in groet, hy wil nie met die ander praat nie. As Aine hom nie persoonlik genooi het nie, sou hy nie eers die moeite gedoen het om dit by te woon nie.

"As julle almal jul sitplekke kan inneem,’ sê Aine toe sy die kamer binnekom, die deure maak agter haar toe. Almal skarrel vir 'n sitplek. Yue-Lao probeer nie eens nie. Hy skink vir hom 'n koppie tee en gaan staan teen die muur en hou Aine dop.

Welkom by die eerste liefdesgod konferensie van hierdie millennium.

Beleefde geklap en 'n paar wat juig bedaar vinnig onder Aine se gluur.

Laat ons die vorige eeu hersien, sê sy.

Moet ons regtig? vra Min vanuit sy leunstoel langs die venster.

Ja. Dit lyk asof slegs Cupid bewustheid van homself oor die hele Aarde kon versprei.

"Dit