Gram Sorkkam

By Arnika Nasser

Arnika Nasser, an exceptional Tamil novelist, Written over 300+ Novels and 100+ Short Stories, Readers who love the subjects Crime, Detective, Police, supernatural and Science will never miss the creations of this outstanding author…

• Language: தமிழ்
• Publisher: GeeYe Publications
• Release date: Mar 6, 2018

Book preview

8

1

ஃபோர்டு எஸ்கார்ட் காரை நிறுத்தி மிடுக்காய் இறங்கினான் டியாரா ராஜ்குமார். நாவல் நிற ஃபுல் சூட் உடுத்தியிருந்தான்.

பின் இருக்கையிலிருந்து உதவி யாளினி தேஜஸ்வினி வெளிப்பட்டாள்.

புதிதாய் பழுத்த மஞ்சள் மல்கோவா நிறத்தில் க்ளோஸ் நெக் டிசர்ட் உடுத்தியிருந்தாள். கீழ் பகுதி கிழித்து விடப்பட்ட வெள்ளை ஸார்ட்ஸ் அணிந்திருந்தாள்.

இடது மார்பகத்துக்கு ADIDAS என பெயரிட்டிருந்தாள். கால்களில் சிவப்பு நிற ஸ்போர்ட்ஸ் ஷு. தலைகேசத்தை குதிரை வால் பண்ணியிருந்தாள்.

இருவரும் தாராப்பூர் டவர்ஸின் மேல்தளத்துக்கு போயினர்.

இரவு வானம் பார்த்த ரெஸ்ட்டாரன்ட்.

ஆங்காங்கே மேஜைகளில் சாப்பிடும் ஆண் பெண் குழுமம்,

பூஞ்செடிகளும் அலங்கார வெளிச்சங்களும் பார்வை சுகம் கூட்டின.

முன்பதிவு செய்யப்பட்ட இருக்கைகளில் டியாரா, தேஜி. சென்றமர்ந்தனர்,

பேரர் வந்தான். தேஜி பக்கம் அதிகம் வழிந்தான். மெனுகார்டை நீட்டினான். அசைவ அயிட்டங்கள் ஆர்டர் பண்ணினான் டியாரா.

தேஜியின் மின்னும் தொடை அழகை பார்த்து ரசித்தவாறே போனான் பேரர்.

குறும்பாய் சிரித்தான் டியாரா.

என்ன சிரிக்கிறீங்க டியாரா?

நல்லவேளை நீ சினிமால நடிக்கல

ஏன்?

ரம்பா, லிஸாரே. மகேஸ்வரி தொடை அழகுகளை எளிதாய் தோற்கடித்திருப்பாய். செயற்கை வெளிச்சத்தில் உன் கால் பகுதி ராஜ அழகாய் மிளிருகிறது. உன்னுடன் இருக்கும் போதெல்லாம் நான் முழுமையான ஆணாக உணர்கிறேன். கூடவே இருக்கும் நானே இவ்வளவு தடுமாறுகிறேன்னா - பாவம் இந்த பேரர் என்ன செய்வான்?

அரைக்கண் மூடி சிரித்தாள் தேஜி.

ஏ.ஆர்.ரகுமானின் ம்யூஸிக் நோட் சில நொடிகள் சிதறின.

கல்யாணமான ஆண்களின் பசப்பல்களை நான் பெரிதாய் எடுத்துக் கொள்வதில்லை டியாரா. தொடும் வரை எல்லாமே அதி உன்னதம், தொட்டுவிட்டாலோ அனைத்தும் படு மத்திமம்...

மென்மையாய் மறுதலித்தான் டியாரா.

சில விஷயங்கள் தொட்டுவிட்ட பின்தான் உன்னதம் உயர்கின்றன!

பேச்சை மாற்றுவோமா டியாரா?

சரி. நான் எழுதிய ஒரு வசன கவிதை கேக்கறியா?

சொல்லுங்க!

எனக்கு - வாய் வெடிக்க சிரிக்க சந்தோஷங்கள் வேண்டும். கடலளவு அழ சோகங்கள் வேண்டும். மணிக்கணக்கில் பேச பேரிளம் பெண்கள் வேண்டும், காமமில்லாமல் ரசிக்க டீன் ஏஜ் பெண்கள் வேண்டும். என்னை நானே உணர கடும் தோல்விகள் வேண்டும். உலக உழைப்புக்குப்பின் சிறு சிறு வெற்றிகள் வேண்டும், என்னை கூர்மைப்படுத்த புத்திசாலி எதிரிகள் வேண்டும். பாரங்களை ஏற்ற - சுமக்க நண்பர்கள் வேண்டும், வண்ண வண்ணக் கனவுகளுடன் தினம் தூக்கம் வேண்டும். சிறப்பான இலக்கியம் படைக்க தினம் மரண பயம் வேண்டும். செர்சி முத்தமாய் தூக்கத்தில் மரணம் வேண்டும் - வேண்டும்!

பக்கத்து பின் இருக்கையிலிருந்து கைத்தட்டல் எழுந்தது.

கைத்தட்டியப்டி கறுப்பு சுடிதார் அணிந்த உயர் பெண் நடந்து வந்தாள்,

கழுத்தில் வித்தியாசமான டாலர்.

கைத்தட்டல்களுக்கு ஏற்ப அவளது மார்பகங்கள் குலுங்கின.

டியராவை அபாயமாய் நெருங்கினாள்.

உங்க வசன கவிதை அற்புதம். ஒட்டுக் கேட்டதற்கு மன்னிக்கவும்!

ஓ.கே. இட்ஸ் ஆல் ரைட்!

நான் உங்கள் இருவருடனும் அமர்ந்து கதைக்கலாமா?

தேஜி அதிருப்தி முகம் காட்டினாள்.

ஆனால் டியாராவோ அவசரமாய் ஆமோதித்தான்.

தனியாகத்தானே வந்தீர்கள்?

அமருங்கள். உங்கள் பெயர்?

என் பெயர் லீனா. என்னை மரியாதையுடன் விளிப்பதை வெறுக்கிறேன்

சரிடி!

ஆங்!

சும்மா அதிரடித்தேன் லீனா. நீ யார்? என்ன பணிபுரிகிறாய்? எங்களை எப்படி தெரியும்?

"நான் ஒரு கம்ப்யூட்டர் இன்ஜினியர். பிரம்மச்சாரினி. உங்களை தெரியாதோர் தமிழ் நாட்டில்