Marana Kaadu

By Arnika Nasser

காடுகள் பல அதிசயங்களும், மர்மங்களும் நிறைந்தது. காடுகளின் மீதுள்ள காதலால் அடிக்கடி காட்டுக்குச் சென்று வரும் வனமித்திரனின் கொலைக்கு யார் காரணம்? வனமித்திரனின் கொலைக்கான காரணத்தைத் தேடி நித்தியமங்கலம் காட்டுக்கு செல்லும் டியாராவுக்கு காத்திருந்த மர்மங்களையும், திகிலையும் நாமும் காண, வாசிப்போம் மரணக்காடு...

• Language: தமிழ்
• Publisher: Pustaka Digital Media
• Release date: Nov 1, 2022
• ISBN: 6580111008305

Book preview

C:\Users\INTEL\Desktop\Logo New\pustaka_logo-blue_3x.png

https://www.pustaka.co.in

மரணக்காடு

Marana Kaadu

Author:

ஆர்னிகா நாசர்

Arnika Nasser

For more books

https://www.pustaka.co.in/home/author/arnika-nasser-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

அத்தியாயம் 13

அத்தியாயம் 14

அத்தியாயம் 15

அத்தியாயம் 16

அத்தியாயம் 17

அத்தியாயம் 18

அத்தியாயம் 19

அத்தியாயம் 20

அத்தியாயம் 21

அத்தியாயம் 22

அத்தியாயம் 23

அத்தியாயம் 24

அத்தியாயம் 25

அத்தியாயம் 26

அத்தியாயம் 27

1

டியாரா டிடக்டிவ் ஏஜன்ஸி அலுவலகம்.

டைரக்டர் மாடல் ரிவால்விங் சேரில் அமர்த்திருந்தான் டியாரா ராஜ்குமார். உயரம் 175செ.மீ. ரோஜா இதழுடன் சாக்லேட்டை கரைத்து விட்டாற்போல நிறம், அடர்த்தி மிகுந்த தலைகேசம், நடிகர் ஜெய்சங்கர் கண்கள், கிரேக்க மூக்கு, ஆண்மை ததும்பும் மீசை, உலகின் சகல விஷயங்களையும் கதைக்க விரும்பும் உதடுகள்.

கலர் ப்ளஸ் ரெடிமேட் சர்ட்டும் லிவ் இன் ஜுன்ஸும் உடுத்தியிருந்தான் டியாரா. அவனுக்கு முன் மடிக்கணினி அமர்ந்திருந்தது.

யூடியூப்பில் விஜய் டிவியின் ‘அது இது எது’ நிகழ்ச்சியின் சிரிச்சா போச்சு தொகுப்புகளை பார்த்து ரசித்துக் கொண்டிருந்தான் டியாரா.

இனிப்பு இடப்படாத கிரீன்டீயை கொண்டு வந்து வைத்தாள் ஜெருஷா.

கோப்பையை எடுத்து உறிஞ்சினான் டியாரா, தேநீர் கசாயம்போல் கசந்தது. கசப்பை மிக ரசித்து தொண்டைக்குள் உள்வாங்கினான்.

மே ஐ கமின் பாஸ்? வினவியபடி உட்பட்டாள் தேஜிஸ்வினி. தேஜி டியாராவின் உதவியாளினி. காப்பிக்கொட்டை நிற பனியனும் பூப்போட்ட லெக்கிங்ஸும் உடுத்தியிருந்தாள். கண்களில் குளிர்கண்ணாடி. தலை கேசத்தை கோர்த்து குதிரைவால் கொண்டை போட்டிருந்தாள்.

கம் தேஜி. நீயும் பச்சை இலை தேநீர் குடிக்கிறாயா?

நீதான் கிரீன் டீ பக்தர் ஆகிவிட்டாய். முதுமை உன்னை அண்டாமலிருக்க தினம் நாலு தடவை கிரீன் டீ அருந்துகிறாய். எனக்கு ஆர்டினரி டீ போதும்!

ஜெரு! தேஜிக்கு ஒரு கோப்பை டீ கொண்டு வா! ஜெருஷா தேஜியை பார்த்து முறுவலித்தபடி மெலாமைன் கோப்பையில் டீ கொண்டு வந்து வைத்தாள்.

தேதீர் உறிஞ்சியபடி தேஜி, டியாரா! ஒண்ணு சொல்லாம இருக்கமுடியல. நீ வரவர உணவு பைத்தியம் ஆய்ட்ட. சாப்பாட்டுக்கு ஓவர் முக்கியத்துவம் தர்ற. ஒரு வேளை உனக்கு வயசானதினால இப்டி நடந்துக்கிறியோன்னு அச்சப்படுறேன்!

எனக்குள் இருக்கும் சிறுவன் என்றென்றைக்கும் மார்க்கண்டேயன்தான். உணவை சாதாரணமா மதிப்பிடாதே. நாட்டுக்கு நாடு கலாசாரத்துக்கு கலாசாரம் உண்ணப்படும் உணவுகள் வித்தியாசப்படுகின்றன. சமையல் கலை என்பது ஒரு வகை தியானம்போல. ஹோட்டலில் இயந்திரகதியாய் சமைக்கப்படும் உணவின் ருசியை விட வீட்டில் அம்மாவோ மனைவியோ பாசத்தையும் காதலையும் கொட்டி சமைக்கப்படும் உணவின் ருசி சொர்க்கம். ஓர் உன்னதமான சமையலில் சமைப்பவன் அல்லது சமைப்பவனின் ஆன்மா கொஞ்சம் கலந்திருக்கும்...

ஓஹோ அப்படியா பெரியவரே!

ஒரு ஆண் ஒரு பெண்ணிடம் முப்பது வருடம் தாம்பத்யம் பண்ணினான் என்றால் ஒரு அய்நூறுதடவை புணர்ச்சி சுகம் பெற்றிருப்பான். அய்நூறில் ஒரு அம்பதின் மட்டுமே உச்சகட்ட புணர்ச்சி சுகம் அனுபவித்திருப்பான். ஆனால் பிறந்ததிலிருந்து ஆணோ பெண்ணோ தினம் நாலஞ்சு தடவைகள் உண்டும் குடித்தும் புணர்ச்சி சுகம் பெறுகிறார்கள். ஆணோ பெண்ணோ தங்களது ஆயுட்காலத்தில் ஆயிரங்காக்கான தடவைகள் உணவால் உச்சகட்ட புணர்ச்சி சுகம் அடைய முடியும். புணர்ச்சி சுகம் அடைய புணரும் வித்வம் தெரிய வேண்டும். ஆனால் உண்டு குடித்து புணர்ச்சி சுகம் அடைய தனி வித்வம் தேவையில்லை.

பிரமாதமான மேடை பேச்சு மிஸ்டர் ஜூனியர் சுகி சிவம்!

மனிதனின் முதல் உணவு மீன்தான். மனிதன் விவசாயம் பண்ண கற்றுக்கொள்வதற்கு முன் மீன்பிடிக்க கற்றுக் கொண்டான். மீன் அனைத்து வயதினருக்கும் உகந்த உணவு. பில்லியன் டன் கணக்கில் பிடிக்கப்பட்டாலும் அள்ள அள்ளக் குறையாத வளம் மீன்தான். மீன்களில் கோடிவகை ருசியில் மீன்கள் உள்ளன. ஒன்றைப்போல இன்னொரு மீனின் சுவை இருப்பதில்லை. விவசாயம் பொய்த்தாலும் மனிதரின் உணவுத்தேவை மீன்களால் இட்டு நிரப்பப்படும்!

மீன்களின் பிராண்ட் அம்பாஸ்டர் ஆகிவிட்டியா நீ?

அப்டித்தான் வச்சுக்கயேன் தேஜி!

பேசாம நீ பாக்ஸ் லைப்ல வர்றமாதிரி உணவு எழுத்தாளர் ஆகிவிடலாம். ஊர் ஊராய் சென்று அந்தந்த உணவுகளை ருசித்து அவைகளின் மணம் ருசி தரம் பற்றி விவரிக்கலாம்!

செஞ்சுட்டாப் போச்சு!

ஹலோ டு எவரி படி! என்ற பபிள்கம் மென்ற குரலில் மிழற்றியபடி ரோடுரோலர்போல உட்பட்டாள் ஸிஜா. ஸிஜா நடிகர் பிரபுக்கு பெண் வேஷம் போட்டதுபோல இருப்பாள். டேக் வான்டோ கராத்தேயிலும் மார்ஷியல் ஆர்ட்ஸிலும் நிபுணி. டியாராவின் வலதுகை தேஜி என்றால் இடதுகை ஸிஜா. பல சிக்கலான தருணங்களில் டியாராவின் இடதுகையே டாமினேட் செய்யும்.

போலோ மின்ட்டை அடிநாக்கில் வைத்து அதக்கியபடியே ஸிஜா என்ன டாபிக் ஓடுது பாஸ் வினவினாள்.

டியாரா சொன்னான்.

ஸிஜா தலையாட்டினாள். சமையல் கலையை கடவுள்போல ஆராதிப்பவர்கள் பிரஞ்ச் மக்கள். உணவு, செக்ஸ், இசை மூன்றுமே பிரஞ்ச் மக்களின் தாரகமந்திரம்.

உணவைப்பற்றி பேசியது போதும். நம்ம டிடக்டிவ் தொழிலை பத்தி பேசுவமா?

ஓ எஸ்! தோள்களை குலுக்கிக்கொண்டான் டியாரா. ஐடி கம்பெனி சத்யாவின் ரேப் அண்ட் மர்டர் கேஸில் என்ன முன்னேற்றம் ஏற்பட்டுள்ளது தேஜி?"

சத்யாவுடன் பணிபுரியும் ஆண் ஊழியர்களின் மீது சந்தேகமாய் உள்ளது. ஒருவர் லிப்ட் ஆபரேட்டர். இன்னொருவர் டீம் லீடர். இந்த இரண்டு பேருமே சத்யாவை துரத்திதுரத்தி காதலித்திருக்கிறார்கள். தன்னிடம் தகாத முறையில் நடந்துகொண்ட லிப்ட் ஆப்ரேட்டரை கன்னத்தில் அறைந்திருக்கிறாள் சத்யா. டீம் லீடர் தன்னிடம் முறைதவறி செக்சுவல் ஹாஸ்மென்ட்டில் ஈடுபடுவதாக தலைமையகத்திற்கு மின்னஞ்சல் அனுப்பியிருக்கிறாள் சத்யா. புகாரை வாபஸ் பெறாவிட்டால் விபரீத விளைவுகள் ஏற்படும் என டீம் லீடர் மிரட்டியிருக்கிறான்!

தேஜி சொல்லும் இருவரும் காகிதப்புலிகள். ஷிப்ட் முடிந்து வீடு திரும்பும் ஊழியர்களை கம்பெனி வேனில் அழைத்து செல்லும் டிரைவர் தென்னரசன் மீதுதான் எனக்கு பலத்த சந்தேகம்!

போஸ்ட்மார்ட்டம் ரிப்போர்ட் என்ன சொல்லுது? டியாரா.

சத்யா கற்பழிக்கப்பட்டு கற்பழிப்புக்கு பின் கூர்மையான ஆயுதத்தால் இருபதுக்கும் மேற்பட்ட முறை குத்தி கொடூரமாய் கொல்லப்பட்டிருக்கிறாள் என்கிறது ரிப்போர்ட். ரேகை தடயமோ சொல்வதற்கு பயன்பட்ட ஆயுதமோ போலீசுக்கு கிடைக்கவில்லை. சத்யாவின் உடல் கொலை செய்யப்பட்ட ஒருவாரத்திற்கு பின்தான் கண்டுபிடிக்கப்பட்டுள்ளது. அதனால் துப்புத்துலங்குவதில் பல சிரமங்கள் ஏற்பட்டுள்ளன! ஸிஜா.

ஐடி கம்பெனி ஊழியர்களை ஒட்டு மொத்தமாய் விசாரித்தாயா?

விசாரித்தேன். சத்யா எல்லா ஆண்களையும் மயக்கும் விதமாய் பேசுவாள் என்கிறார்கள். சதா கைபேசியில் ஆண் நண்பர்களுடன் பேசிக் கொண்டிருப்பாள் எனவும் கூறுகின்றனர். தனது பேஸ்புக் அக்கவுண்ட்டை அரைமணி நேரத்திற்கு ஒரு தடவை அப்டேட் செய்து கொண்டிருப்பாளாம்... சத்யாவின் பேஸ்புக் அக்கவுண்ட்டை ஆராய்ந்தேன். சத்யாவுக்கு 4150 நண்பர்கள். கடந்த ஒரு மாதமாக ஒரு பேஸ்புக் நண்பரிடம் கருத்து வேற்றுமை ஏற்பட்டு பலத்த வாக்குவாதத்தில் ஈடுபட்டுள்ளாள். சத்யாவிடம் சண்டை போட்ட சண்டைக்கோழி சோழவந்தான் ஆளவந்தான்! ஸிஜா.

ஓவ்!

நிஜப்பெயராக தெரியவில்லை. பொய் பெயர்தான். தனது புகைப்படத்திற்கு பதிலாக ஒரு மீசைக்கார இளம் விவசாயின் ஓவியத்தை போட்டுள்ளான். அந்த ஆளவந்தானை வலை விரித்து தேடிக்கொண்டிருக்கிறேன்! உதடுகளை பிதுக்கினாள் ஸிஜா.

சத்யா கேஸ் நமக்கு ஜுஜுபி. ப்பூன்னு ஊதி தள்ளிடலாம். துப்பறிதலை தீவிரப்படுத்துங்கள் என்றான் டியாரா.

சிங்கப்பூரிலிருந்து ஒரு குருவி சென்னைக்கு இருபது கிலோ தங்கம் எடுத்து வந்து மாட்டிக்கொண்டது. குருவிக்கு பெரிதாய் விவரங்கள் தெரியவில்லை. தங்க கடத்தல் குருவிகளுக்கு தலைவன் சென்னையில்தான் இருக்க வேண்டும். அவனை கண்டுபிடித்து தர சுங்க இலாகா நம்மை பணித்துள்ளது. அதில் என்ன முன்னேற்றம் ஏற்பட்டுள்ளது? என்றாள் தேஜி.

இருபதுக்கும் மேற்பட்ட குருவிகளை அனுப்பும் ரிஸீவ் செய்யும் ஒரு ஏஜன்ட்டை மோப்பம் பிடித்துள்ளேன். அந்த ஏஜன்ட்டின் பெயர் முபாரக் உசேன். அந்த முபாரக் உசேன் கவரிங் நகைகள் தயாரித்து விற்கும் வியாபாரி. முபாரக்கின் கடையில் ஒட்டுகேட்கும் கருவிகளை இணைத்துள்ளேன். அதன் மூலம் முபாரக்கின் ஒவ்வொரு நடவடிக்கையையும் உளவறிந்து வருகிறேன். முபாரக்குக்கும் ஹவாலா குரூப்புக்கும் கூட தொடர்பு உள்ளது. எனது தூண்டிலில் நீலத்திமிங்கலங்கள் மாட்டும் நாள் வெகுதூரத்தில் இல்லை தலைவா!

அந்த முபாரக் முரட்டுத்தனமான ஆண்மைத்தனமான அரேபியன்போல் இருக்கிறான் என உளறினாயே ஸிஜா! அவளையும் அவனது முதலாளியையும் கண்டுபிடிப்பதற்கு முன்பாக அவனிடம் சரண்டர் ஆகிவிடுவாயோ என எனக்குள் ஒரு சந்தேகம் கிளைக்கிறது!

ஜொள்ளு விடுறமாதிரி விட்டு ஒரு அள்ளு அள்ளிட்டு வந்திடுவேன் கண்ணு. நான் ஜொள்விடுவதுகூட ஒரு வலை விரிப்புதான்...

அந்த முபாரக்கையே நீ கட்டிக்கிட்டு ஏழெட்டு பிள்ளைகள் பெத்து செட்டில் ஆயிரலாம் ஸிஜா!

அடி... என்ன பேச்சுடி பேசுக்கிட்டு இருக்ற? கிரிமினல்களை மணந்துகொள்வது என் அஜன்டாவில் இல்லை. தேஜியின் தொடையில் நறுக்கென்று கிள்ளினாள் ஸிஜா.

ஸ் ஆஆஆ! என அலறினாள் தேஜி.

அடடா... ரொம்ப வலிக்குதா? கிள்ளப்பட்ட இடத்தை தடவிக்கொடுக்க முயற்சித்தான் டியாரா. தட்டிவிட்டாள் தேஜி.

உன் கரிசனம் என் நெஞ்சை நக்குது. உன் கையை வச்சுக்கிட்டு சும்மா இரு தலைவா!

தடவிக்கொடுக்க மாட்டேனா என்று உன் ஆழ்மனம் ஏங்கும். ஆனால் அதனை நீ வெளிப்படையாக காட்டிக் கொள்ளமாட்டாய்.

உன் மாயகிருஷ்ணன் வேலையை என்கிட்ட காட்டாதே. நாங்கள் உன் கடைக்கண் பார்வைக்காகவும் சின்ன சின்ன சீண்டல்களுக்காகவும் காத்துக்கிடக்கவில்லை. வி ஆர் வொர்க்கஹாலிக்.

டியாராவின் கைபேசி சிணுங்கியது.

எடுத்து காதில் இணைத்தான்.

எதிர்முனையில் கமிஷனர் தேவா.

குட்மார்னிங் தேவா!

குட்மார்னிங் டியாரா!

என்ன விஷயம் தேவா?

இன்னொரு ஐடி பெண் கற்பழிக்கப்பட்டு கொலை செய்யப்பட்டு தூக்கி எறியப்பட்டுள்ளாள். அரைமணி நேரத்துக்கு முன்தான் எங்களுக்கு தகவல் கிடைத்தது. பாடியை பெருங்குளத்தூர் அருகே கைப்பற்றினோம். உடல் அழுகிப் போயுள்ளது. முகத்தை கொலைகாரன் சிதைத்துள்ளான். நாங்கள் ஒரு பக்கம் விசாரிக்கிறோம். நீ சத்யா கேஸுடன் சேர்த்து இந்த கேஸையும் இன்னொரு பக்கம் துப்பறி!

ஓகே வாட்ஸ் அப்பில் விக்டிமின் புகைப்படங்களை அனுப்புங்கள் தேவா!

சரி! ஓகே... ஜெருஷா எப்டியிருக்காங்க? உன் கொடுக்குகள் தேஜி, ஸிஜா எப்படி இருக்குதுகள்?

அனைவரும் படுஷேமம்!

கைபேசியை ஆப் செய்தான் டியாரா.

கைவசம் இருந்த மீதி கேஸ்களை பற்றியும் அவைகளின் முன்னேற்றம் பற்றியும் தொடர்ந்து விவாதிக்க ஆரம்பித்தனர் டியாரா அண்ட் கோ.

மடிக்கணினியை மீண்டும்